Драма за тестаментот на Карл Лагерфелд: Ѝ остави милиони на својата мачка, на семејството не му даде ништо

Детали

петок, 06 февруари 2026

Карл Лагерфелд ѝ остави околу 1,5 милиони долари на својата мачка, а останатиот дел од богатството им го подели на неговиот личен асистент неговиот кумашин, како и двајца модели. Дизајнерот нема деца, но сега некој од поширокото семејство, најверојатно внуците од неговите сестри, пробувале да допрат до неговите пари.

Карл Лагерфелд почина од рак во 2019-та на 85-годишна возраст, а зад себе остави богатство од околу 200 милиони долари.

Добро познат факт е дека беше многу приврзан за неговата мачка, па по смртта, ѝ остави околу 1,5 милиони долари.

Во својот тестамент тој дал детални инструкции за да се осигури дека неговата мачка ќе има многу удобен живот.

Покрај парите, тој обезбедил куќа со градина за неа, а како негувателка ја навел неговата куќна помошничка која долги години работела за него.

Карл немаше свои деца, а останатиот, поголем дел од богатството го остави на луѓе кои во тестамент ги опишал како неговото „вистинско семејство“.

Солидна сума добил неговиот долгогодишен асистент Себастијан, а му оставил пари и на неговиот кумашин кој имаше само 11 години кога дизајнерот почина.

Карл навел и уште двајца наследници – моделите Бред Кронинг и Баптис Џиабикони.

Но, изгледа дека некои од членовите на поширокото семејство на дизајнерот биле незадоволни од тестаментот.

Па сега, седум години по неговата смрт, решиле да почнат судска битка.

Доколку најдат начин да го анулираат тестаментот, тогаш богатството на Карл ќе биде поделено на неговите најблиски роднини.

Карл Лагерфелд имаше две сестри кои починаа пред него. Па, богатството би преминало на нивните деца.

Едната сестра на дизајнерот, Кристин, се доселила во САД во 1950-тите, каде што добила четири деца.

Едното од децата загинало во сообраќајка на 18-годишна возраст, но останатите три имаат шанси да допрат до парите на дизајнерот.

Но, Карл немал добар однос со сестра му Кристин. Се немале видено уште во 1974 година, Карл не ја сметал за свое семејство, па затоа не ни пробал да им остави нешто на нејзините деца.

Впрочем, дури и едно од децата има изјавено дека не би сакал ништо од наследството на Карл бидејќи немал никакво однос со него.

Карл имал и полусестра, Теа, која, пак, има една ќерка.

Па, и таа е една од можните наследници доколку тестаментот биде анулиран.

И покрај живите внуци од неговите сестри, Карл повеќе ја сакал својата мачка од нив.

„Знам дека одмаздувањето е злобно и ужасно. Но, не гледам причина зошто да му дадам нешто на некој кој ми направил нешто лошо“, има изјавено дизајнерот.

Не криеше дека ја разгалува својата мачка, постојано минуваше време со неа, а честопати ја носеше и на важни настани, како ревии.

Засега не е познато кој бара поништување на тестаментот на дизајнерот, но најверојатно станува збор за некои од внуците.

Спирова С. | Црнобело