Им се родило мртво дете, па загинала во сообраќајка: Трагичната љубов на Кијану Ривс и Џенифер Сим

На почетокот од април во 2001 година, Џенифер отишла на забава во куќата на Мерилин Менсон. По некое време посакала да си оди и некој од нејзините пријатели кои биле таму ја однел дома.

Поради некоја причина, се премислила, па решила да се врати на забавата. Тргнала со нејзиниот автомобил, но направила сообраќајка во која загинала.

Истрагата покажала дека Џенифер не носела безбедносен појас, возела со голема брзина и се здобила со сериозни повреди од кои починала речиси веднаш.

Исто така, била под дејство на алкохол и наводно дрога. На денот на нејзината смрт имала само 28 години.

Џенифер била погребана до телото на нејзината мртвородена ќерка, а Кијану бил еден луѓето кои го носеле нејзиниот ковчег.

Многу години подоцна, Кијану кажа дека за улогата во John Wick, каде што глуми маж чија сопруга е убиена, црпел инспирација од неговото искуство.

Тој не ја спомна Џенифер директно и избегнува да зборува за неа, но сподели дека тагата што ја искусил во животот му помогнала подобро да „влезе“ во ликот.

„Загубата на сакана личност беше еден од темелите за улогата во John Wick…

Мислам дека никогаш не се надминува ова тагување. Тагувањето и загубата се работи кои никогаш не си одат. Остануваат со тебе“.

По трагичната смрт на Џенифер, Кијану никогаш не зборувал за својот љубовен живот и дури откако ја почна врската со Александра Грант ѝ дозволи на јавноста барем малку да ѕирне во неговата приватност.

Спирова С. | Црнобело