Кијану Ривс на 61 година првпат стапи во брак - Тајно се венча со саканата Александра

Детали

петок, 19 септември 2025

„Венчавката се случи во текот на летото во Европа, беше многу дискретна, многу интимна. Кијану и Александра со години зборуваат за брак, но на крајот решија да направат нешто само за нив. Ја ценат својата приватност, па тајната венчавка совршено им одговараше“, рекол анонимен извор.

Еден од омилените холивудски актери, Кијану Ривс, веќе не е на листата „најпосакувани ергени“.

На 61 година тој наводно стапил во брак со својата сакана Александра Грант, со која е во врска од 2019 година. Ова е прв брак на актерот.

Според RadioOnline, кој се повикува на близок пријател на парот, Кијану и Александра (52) имале тајна интимна венчавка во Европа.

„Венчавката се случи во текот на летото во Европа, беше многу дискретна, многу интимна. Тие со години зборуваат за брак, но на крајот решија да направат нешто што е само за нив.

Тие ја ценат својата приватност, па тајната венчавка совршено им одговараше“, рекол анонимниот извор.

Парот се запозна на забава во 2009 година и долго време соработувале пред да почнат врска во 2019 година.

Откако се дозна дека се заедно, Александра е постојано со Кијану, го следи на неговите патувања и му е огромна поддршка.

Според блиските на Кијану, таа е жената што му ја вратила вербата во љубовта, откако во април 2001 година почина неговата тогашна девојка, актерката Џенифер Сајм.

Само 4 месеци претходно, Џенифер и Кијану го очекуваа раѓањето на нивната ќерка, но бебето се роди мртво и тоа влијаеше на двајцата.

По смртта на Џенифер, актерот скоро никогаш не се појави во јавноста со некоја жена, ниту пак медиумите го врзуваа со некоја жена, сè до Александра.

Прочитајте и Ја гледа вљубено, постојано ја држи за рака: Кијану Ривс на романтичен ручек со девојка му Александра (фото)

А. Ј. | Црнобело