Банкротирал, па наводно си ја лажирал смртта на брод: Каде исчезна бившиот на Оливија Њутн Џон?

„Дали имал финансиски проблеми и го лажирал исчезнувањето, дали ова било убиство или киднапирање, никој не знае“, додава новинарката.

Истата година се огласи и менаџерот на пристаништето од каде што испловил Патрик.

Бродот се вратил на копно со целиот екипаж, освен Патрик. Но, менаџерот вели дека е сигурен дека и Патрик се вратил назад.

„Јас верувам дека Патрик се вратил назад со бродот. Но, може да грешам.

Може го киднапирале вонземјани, но дефинитивно се врати со бродот и го напушти на копно.

Гледајте, ако навистина сакате да скокнете од брод, ќе скокнете кога никој нема да ве види“.

Мистеријата се продлабочи кога и рибар од екипажот излезе со тврдење дека го видел Патрик на бродот околу 3,5 часа од испловувањето, но потоа воопшто не го забележал.

„Внимавав на него, но потоа воопшто не го видов“.

Во чудниот сплет на околности, по исчезнувањето на Патрик, Оливија Њутн Џон се зближила со неговата поранешна сопруга, Ивет Нипар.

„Многу се зближив со неговата поранешна сопруга, Ивет, која е прекрасна личности.

Стануваме добри пријателки, а го гледам и неговиот син, добро му оди“, сподели актерката околу една година по исчезнувањето.

Во 2016-та, пак, Оливија порача дека е време да се замолчат шпекулациите за исчезнувањето на Патрик.

„Тој исчезна на море, никој не знае што се случи. Човечки е да се прашуваме. Но, ова се работи во животот со кои мора да се помириме“.

Додека тагуваше по Патрик, Оливија го запозна нејзиниот втор сопруг, Џон Истерлинг, со кој се венча во 2008 година.

„Излеговме само неколкупати, но не очекував да се вљубам во него. И, потоа бум!“, сподели актерката во интервју неколку години по свадбата.

Таа додаде и дека сопругот Џон ѝ помогнал да го надмине исчезнувањето на Патрик, но и шпекулациите дека си ја лажирал смртта.

Сепак, гласините за судбината на Патрик не стивнаа и во 2016-та, некои извори тврдеа дека навистина бил во Мексико, каде што живеел со неговата девојка.

Неколкупати се појавувале извори кои тврделе дека го забележале во Мексико, но ништо од ова не е потврдено.

Што се однесува до истрагата, надлежните наводно не нашле никакви докази за убиство, самоубиство или измама.

Официјално, случајот е затворен уште одамна, па се чини дека никогаш нема да се дознае што точно се случило.

Спирова С. | Црнобело