Детали за новата врска на Џеј Ло со колега + сите нејзини разводи и свршувачки

Детали

петок, 29 мај 2026

Џеј Ло зад себе има четири разводи, а сега ја поврзуваат со колега од нејзиниот нов филм. Го гледала како „помлада и попаметна верзија од Бен Афлек“. Наводно, и Бен Афлек дал благослов бидејќи знаел дека пејачката е среќна само кога е во врска.

Уште откако се раздели од Алекс Родригез јавноста се шегува дека Џеј Ло е колекционер на свршенички прстени.

Познатата пејачка има дури шест свршенички прстени, а зад себе има и четири разводи.

По разводот од Бен Афлек, Џеј Ло немала сериозна врска, но сега ја поврзуваат со колегата од нејзиниот нов филм – Office Romance.

Уште минатата година, кога почна снимањето на филмот, се шпекулираше дека меѓу нив можеби има нешто повеќе.

Тој период, во интервју, актерката беше прашана со кој актер го споделила најубавиот бакнеж пред камера, а таа без двоумење го кажа Бред Голдстин – колегата од новиот филм.

Набрзо потоа, извор за Daily Mail, сподели дека Џеј Ло го гледала Бред како „помлада, попаметна, британска верзија“ од Бен Афлек.

Потоа, друг извор откри дека џеј Ло и Брет разменувале нежности на забавата по завршувањето на снимањето.

А, и самиот Брет бил фасциниран од неа.

Сега, со премиерата на филмот, гласините уште повеќе се разгореа, а извори блиски до Бен Афлек велат дека и тој целосно би ја поддржувал оваа врска.

„Тој не го познава лично, но има пријатели кои го познаваат и тие имаат само добри зборови за Брет.

Ова е доволно за Бен да се радува за неа, бидејќи Џеј Ло функционира многу подобро кога има партнер“.

Доказ дека пејачката веројатно е посреќна кога е во врска се и нејзините шест свршувачки од кои четири резултираа со брак.

Што знаеме за нив?

Оџани Ноа

Во 1997 година, Џеј Ло се венча со првиот сопруг – Оџани Ноа. Кога се запознале, Џеј Ло не знаела шпански, а тој не разбирал англиски, но сепак почнале да се гледаат.

Сепак, нивната љубов не траеше долго – се разделија по само една година.

Подоцна Оџани Ноа откри дека постојано се расправале, но во јавност глумеле дека се среќни. Од разводот тој доби 50.000 долари, но судскиот спор меѓу нив само што почнуваше.

Оџани прво сакаше да издаде книга во која ќе открие сè за врската со Џеј Ло, а потоа сакаше да прави и филм.

Но, пејачката го тужеше и доби повеќе од половина милион долари од него.

Крис Џуд

Џеј Ло и танчарот Крис се запознаа на снимањето на спотот за нејзината песна Love Don’t Cost a Thing во 2000 година.

Се венчаа следната година, но веќе во 2002 година почна да се шпекулира дека имаат многу проблеми.

Продолжува на следната страница...