Што знаеме за раскошната (и таинствена) свадба на Тејлор Свифт што ќе се одржи викендов?

„Имаат вештачка трева, теписи, поставена е бина… Никогаш не сум ја видел арената да изгледа вака“, споделува извор за магазинот People кој вели дека целата арена била трансформирана преку ноќ.

Како доказ дека свадбата е викендов се и фотки од вработените на Тејлор и Тревис.

На пример, стилистот на рагбистот се пофали дека пристигнал во Њујорк на први јули.

Очевидците споделија дека мајката на Тревис пристигнала во Њујорк, а потоа и брат му.

Вчера, пак, Тејлор беше забележана како пристигнува во арената за пробната вечера. Сепак, на фотките се гледа само автомобилот на пејачката, а не и таа.

Селена Гомез вчера сподели фотка на Инстаграм Стори која се верува дека е направена додека оди во арената на пробната вечра на славниот пар.

Откако пристигнаа гостите, однадвор арената беше осветлена во розово.

Потоа беа забележани и други ѕвезди како пристигнуваат во арената, како Адам Сендлер, Греам Нортон, Ед Ширан, Џиџи Хадид и Бредли Купер.

30-тина минути по полноќ, автомобилот со кој пристигнаа Тејлор и Тревис беше фотографиран како ја напушта арената, па се претпоставува дека тогаш завршила прославата.

Најдоцна до утре се очекуваат повеќе информации, а можеби и некоја фотка од главната прослава.

Кога ќе се земе предвид целата таинственост, се очекува гостите да потпишат согласност за молчење за целиот настан.

TMZ споделува и дека полицајците кои ќе го обезбедуваат настанот нема да смеат да носат телефони со себе, за да не протече ниту една фотка во јавност.

Тревис и Тејлор, пак, се очекува да потпишат предбрачен договор бидејќи богатството на рагбистот изнесува 90 милиони долари, но пејачката „тежи“ околу 2 милијарди.

Во чест на големиот ден, Тејлор и Тревис донираа 20 милиони долари во 20 добротворни организации низ САД.

Спирова С. | Црнобело