Џастин Бибер мета на шеги за објавите по свадбата на Селена Гомез: „Ја изгуби, засекогаш“

Детали

понеделник, 29 септември 2025

Викендов Селена Гомез се омажи за Бени Бланко, а на Инстаграм, Џастин Бибер ја сподели неговата песна I Do, посветена на бракот со Хејли. Викендов пејачот сподели над 20 нови објави со фотки и видеа и некои се шегуваат дека со ова сака да ѝ го привлече вниманието на бившата.

Викендов, Селена Гомез и Бени Бланко стапија во брак, а голем дел од јавноста се интересираше како ќе изреагира Џастин Бибер.

Имаше период кога Џастин и Селена беа омилениот славен пар и многумина претпоставуваа и дека ќе се венчаат.

Но, Џастин веќе шест години е во брак со Хејли Бибер, иако се шпекулира дека се во криза, додека Селена се венча со некогашниот соработник на пејачот – Бени Бланко.

Додека фановите се пресреќни што Селена најде љубов, некои сметаат дека Џастин уште ја нема преболено.

Па, неговите Инстаграм објави од викендот се најдоа „под лупа“, особено за изборот на песна.

Џастин сподели неколку фотки и видеа од кошаркарски натпревар, а за една од објавите ја избрал неговата песна I Do, балада посветена на неговиот брак со Хејли.

И, во коментари следбениците се шегуваат дека овој пат песната ѝ ја посветил на Селена:

„Љубовта на неговиот живот се омажи“.

„Не ти текнуваше ниту една друга песна?“

„Ја изгуби, засекогаш“.

„Навистина чудно што ја избрал песната I Do на денот кога се венча неговата бивша“.

„Едвај чекав да видам што ќе објави Џастин“.

„Јас кога се обидувам да ѝ го привлечам вниманието на бившата“.

„Ја изгуби засекогаш“.

Во коментари некои споделуваат гифови од Селена Гомез, но и од Бени Бланко.

Сепак, дел од фановите застанаа во одбрана на Џастин и им порачуваат на другите „да пораснат“.

„Џастин е во брак со Хејли и има дете со неа. Оставете го на мир“.

„Треба да славите за свадбата на Селена, но не во коментари кај него“.

„Коментарите се навистина чудни. Ова е профилот на Џастин“.

„Џастин има дозвола да објавува на Инстаграм, само да ве потсетам“.

На крај, Џастин ја отстрани песната од објавата, но сличните коментари продолжија и на другите објави од викендов - пејачот има 20-тина нови објави, со по неколку фотки и видеа, само од овој викенд.

За потсетување, врската на Џастин и Селена беше потврдена околу 2011 година, кога заедно почнаа да се појавуваат на настани.

Во 2012-та тие раскинаа, за две години подоцна да ѝ дадат уште една шанса на врската.

Околу четири години беа заедно, со повремени разделби, и конечно се разделија во 2018-та.

Истата година Џастин се венча со Хејли, па затоа почна да се шпекулира дека ја изневерувал Селена, како и дека уште ја нема преболено.

Селена и сопругот Бени, пак, ја потврдија врската во 2023-та, а кон крајот на минатата година се свршија.

Низ годините Хејли Бибер честопати беше критикувана од фановите на Џастин и Селена, до тој степен, што во една пригода и Селена застана во нејзина одбрана.

Во меѓувреме, Џастин ги загрижуваше фановите со неговото чудно однесување во јавност, но во последно време тврди дека му е подобро.

Прочитајте и: Селена Гомез објави први свадбени фотки - едноставна венчаница и бидермаер од момина солза за тајната венчавка

Спирова С. | Црнобело