Денес се светски познати, но како изгледале кога првпат се појавиле пред камера?

Детали

вторник, 26 мај 2015

Сите имаат свои почетоци кои сигурно не се толку добри и совршени како после одредено искуство. Но, секогаш е добро да се потсетите од каде сте почнале, а до каде сте стигнале или за да не заборавите како ви било некогаш.

Многу од светски познатите личности ги знаеме само од она што го гледаме на телевизија и кога веќе ќе станат популарни.

Но, еве како изгледале некои од нив кога првпат застанале пред камера:

1. Том Харди

Популарниот глумец во 1998 година победил на натпреварот „Најдете ми супермодел“ Тогаш имал само 21 година, а три години подоцна ја добил улогата во мини серијата „Band of brothers“, по што неговата кариера тргнала во нагорна линија.

2. Мет Дејмон

Имал само 13 години кога бил ангажиран како лизгач на мраз да настапи на локална тв-станица во Бостон. Но, Дејмон не ја кажал вистината за своите вештини и на крајот завршил со болни повреди. Неговото филмско деби се случило 5 години подоцна кога се појави во романтичната комедија „Mistic Pizza“ каде изговори само една реченица.

3. Мерил Стрип

Пред да почне концертот на Битлси во Њујорк, август 1965 година, интервјуирана е група фанови, меѓу кои била и 16-годишната Мерил Стрип. Новинарот тогаш не можел ни да претпостави дека разговара со идна филмска дива.

4. Џорџ Клуни

Пред камерите првпат се појавил кога имал само 8 години, во детската тв – програма „Uncle Al Show“. На 17 години бил и статиста во мини серијата „Centennial“, која се снимала во неговиот роден град во Кентаки.

5. Мила Кунис

На само 9 години, татко ѝ ја запишал на часови по глума, а првата аудиција ѝ ја донела улогата во рекламата Барби во 1993 година. Една година подоцна дебитирала на телевизија во серијата „Days of our lives“, а неколку месеци подоцна се појави и во „Чувари на плажа“.

6. Натали Портман

Кога имала десет години, ѝ понудиле да стане модел, но таа одбила за да се посвети на часовите по глума. На 12 години добила улога во филмот на Лик Бесон „Леон професионалец“. Вака изгледала на аудицијата: