Рене Зелвегер за своето ново лице: Ми се допаѓа што луѓето забележаа промена!

Детали

среда, 23 декември 2015

Помина нешто повеќе од година откако Рене Зелвегер го откри своето „ново лице“ на црвениот тепих.

Оттогаш, Рене го снимаше новиот Bridget Jones филм, присуствуваше на неколку настани и во неколку емисии откри како се чувствувала во периодот кога сите шпекулираа на што се должи нејзината промена.

„Какво добро ми донесе тоа што помалку знаев што сите зборуваат? Помалку страв. Тоа е сигурно,“ објаснува.

„Сè што знам е дека моите пријатели и соработници ми испраќаа многу мејлови со поддршка, што очигледно значи дека ми била потребна, и би сакала да знам само толку. Кога луѓето доаѓаат и ме прашуваат: Какво беше чувството? Не знам. Не знам и ми се допаѓа тоа што не знам.“

Првата изјава на Рене по промената, за магазинот People гласеше дека сепак и се допаѓа тоа што луѓето забележале промена кај неа.

„Мило ми е што луѓето мислат дека изгледам различно. Сега живеам поразличен, среќен и поисполнет живот и драго ми е што тоа се гледа. Пријателите ми велат дека изгледам спокојно. Здрава сум. А, долго време не бев добра во тоа. Се водев според распоред на одредени рестрикции кои не ми дозволуваше да се грижам за себе. Наместо да се откажам од него, јас продолжив да правам лоши избори. За среќа станав свесна за хаосот и конечно одбрав поинакви работи.“

Како изгледа „новото лице“ на Рене без шминка погледнете тука.