„О Боже, што!?“ – Викторија Бекам (49) бурно реагира на прашањето дали е возбудена да стане баба (видео)

Детали

понеделник, 19 февруари 2024

Целото интервју течеше смирено и лежерно, сѐ додека на Викторија не ѝ поставија незгодно прашање. Модната дизајнерка веднаш почна да се преместува и да ја влече ролката, па ѝ стана жешко. Очигледно таа не е подготвена да гледа внучиња и не сака да ја викаат „бабо“.

Викторија Бекам (49) важи за секогаш одмерена личност која добро ги промислува своите одговори во интервјуата, но овој пат таа не можеше да ја скрие својата реакција на прашањето: „Дали си возбудена да станеш баба?“.

Поранешната членка на Spice Girls даде видео интервју за Vogue каде отворено зборуваше на повеќе теми: нејзината кариера во светот на модата, бракот со Дејвид, односот со синот Бруклин и снаата Никола, но за прашањето за внучињата беше неподготвена.

„О, Боже, што?!“ – извикна Викторија и веднаш почна да се преместува и да ја влече ролката од вратот, очигледно чувствувајќи се непријатно од прашањето.

„Леле... Чекајте. Мислам дека такво нешто не се случува, освен ако вие знаете нешто што јас не го знам“ – рече Викторија видно збунета.

По ова, се созеде и раскажа една анегдота - последниот пат кога разговарала со главната уредничка на Vogue, Ана Винтур, ја прашала како ја викаат нејзините внучиња.

„И таа ми рече: ‘Ана’. По ова си помислив: ‘Па добро, тоа е многу елегантно, најверојатно и јас ќе применам такво нешто’“ – изјави Викторија.

Иако Викторија сѐ уште не е подготвена да стане баба, нејзиниот син Бруклин во август минатата година изјави дека сака да има 10 деца со неговата сопруга Никола.

Тој рече дека сака да стане млад татко и оти се надева дека наскоро ќе основаат семејство со неговата сопруга.

Погледнете ја смешната реакција на Викторија во видеото (на 07:09):

Б. С. Б. | Црнобело