Ја запознал на 17 години, ја запросил додека летале со балон: Љубовната приказна на Новак и Јелена Ѓоковиќ

Детали

недела, 04 февруари 2024

„Нашите состаноци беа научна фантастика. Јас бев студент кој едвај можеше да си дозволи да студира во странство, а тој беше тенисер кој исто така немаше пари да финансира скапо патување“, раскажува Јелена Ѓоковиќ за почетоците на врската со Новак кога таа студирала во Милано. Како почнала љубовта на познатиот пар?

Кога имал 17 години, Новак ја сретнал љубовта на својот живот, сопругата Јелена Ѓоковиќ, со која денес важат за еден од најхармоничните парови.

Јелена, тогаш Ристиќ, учела во истото училиште како и Новак, а љубовната приказна започнува во 2005 година. Новак тогаш решил професионално да се занимава со тенис додека.

Јелена се запишала на студии во Милано, а во тој период Новак честопати сакал да ја изненади, па ја посетувал. Уште од тогаш ѝ покажувал голема поддршка седејќи во последниот ред на амфитеатарот додека таа ги полагала испитите.

„Нашите состаноци беа научна фантастика. Јас бев студент кој едвај можеше да си дозволи да студира во странство, а тој беше тенисер кој исто така немаше пари да финансира скапо патување.

Авионите ни беа вселенски бродови, не можевме да си го дозволиме тоа“, се присети своевремено Јелена Ѓоковиќ.

Во 2013 година, Новак реши да ѝ приреди на својата сакана уникатно запросување.

„Отидовме на летање со балон. Изнајмив уште еден балон, кој требаше да полета во моментот кога ќе поминеме и да пушти натпис на кој пишува 'Ќе се омажиш ли за мене?'“, раскажа тенисерот за романтичното запросување.

Јелена, пак, прво мислела дека натписот на другиот балон е всушност реклама.

„Видов уште еден балон на кој се појави, како што мислев тогаш, реклама. Помислив колку е лудо, што прави оваа реклама во седум наутро, а потоа само прочитав што пишува. Се свртев и тој веќе беше на колено со прстенот!“

Иако се чини како храбро момче кое дава сè од себе додека е на теренот, сепак Новак призна дека во тој момент кога требало да ја побара раката на Јелена се чувствувал несигурно во себе.

„Морав да ja соберам сета храброст. Пред тоа ги прашав луѓето кои веќе беа свршени, какво е чувството, што можам да очекувам, но сите ми рекоа дека дури кога ќе се случи, кога ќе го кажам прашањето, ќе знам точно какво е чувството. А, чувството е неверојатно“.

По дипломирањето на Јелена, својата љубов ја крунисаа со брак на 10 јули 2014 година. И денес ја негуваат нивната посебна врска, тие се најголеми поддржувачи еден на друг.

Новак за сите свои успеси напомнува дека Јелена е негова најголема поддршка.

„Таа е нешто посебно за мене, таа е моја сродна душа. На прв поглед ме освои со нејзината насмевка. Се разбира, изгледот е секогаш на прво место, но љубовта бара многу повеќе.

Јелена беше искрена од првиот момент и фала му на Бога што се запознавме пред да постигнам голем успех затоа што знам дека е со мене поради мене, поради Новак, поради детето кое го запозна на 17 години.

Таа е мојот најголем поддржувач, таа е способна, амбициозна и силна. Она што најмногу го сакам кај неа е нејзината искреност, тоа е она што нè прави среќни“, вели Новак за својата сакана.

Тие се доказ дека каде има љубов, сè е можно и ниту еден успех не е невозожен доколку сте со вистинската личност.

В. К. | Црнобело / фото: Инстаграм