Најубавите изјави на Џорџ Клуни за неговата сопруга Амал

Детали

среда, 28 септември 2016

Вчера ја прославија втората годишнина од брак, а во 2014-та најголемо изненадување беше што „вечниот ерген“ реши да се ожени по само неколку месеци врска.

Парот се венчаше во Венеција, на 27-ми септември 2014-та, а оттогаш па до денес Џорџ има споделено неколку романтични реченици за Амал.

За Hello магазинот: „Мојот коментар за господин и госпоѓа Клуни? Чувството е одлично!“

Џорџ за брзата и неочекувана венчавка: „Прилично брзо знаев дека сакам да го поминам животот со Амал.“

Во истото интервју: „Многу сум посреќен и имаме многу среќен заеднички живот. Уживам во проектите кои ги прифаќа, бидејќи тие имаат вистински последици врз светот.“

За тоа колку долго му требало да сфати дека Амал е жената за него: „Мислам дека после 3 дена знаев. Мислам, знаев уште кога ја запознав, бидејќи беше извонредна и посебна. Тогаш се прашував дали ќе имам некаква шанса за да бидам со неа.“

„Навистина ја сакам мојата сопруга - не можам да бидам погорд на она што го прави,“ гласеше еден одговор на Џорџ.

„Бидејќи таа е попаметна од мене, очигледно дека се решаваме со туркање на рацете. Тоа ми е единствената шанса да победам во било што, бидејќи ако е интелектуална битка, ќе загубам. Таа е поинтелигентната во семејството,“ се шегуваше на своја сметка.

Пред нивната свадба, Џорџ на една хуманитарна гала вечера изјави: „Претпоставувам дека она што би сакал да и го кажам на мојата идна сопруга Амал е - те сакам и не можам да дочекам да бидам твој сопруг.“

„Таа е прекрасна и има одличен стил - нема стилист или нешто слично, само излегува од гардероберот таква, се појавува и изгледа неверојатно. И тоа го прави додека паралелно води 11 случаи, буквално. Што значи, Амал е неверојатна жена.“

М. Д. | Црнобело