Пејачката Анастасија гордо ги покажа лузните: Секоја од нив е знак на победа над ракот
- Детали
- среда, 23 ноември 2016
Анастасија, покрај тоа што е неверојатно талентирана пејачка, таа е и неверојатно силна жена, која повеќепати успеа да извојува победа над една од најраспространетите болести на модерното време – ракот.
На 13 години ѝ била дијагностицирана Кронова болест, а двапати ѝ бил дијагностициран тумор на градите, заради што била принудена да направи двојна мастектомија во 2013 година.
Во интервјуто за магазинот „Fault“, таа гордо ги покажува своите лузни, зборувајќи за тоа како успеала да извојува победа над болестите и да најде сила да зборува за сето тоа.
„Моите лузни се дел од моето патување и потсетник за сите нешта низ кои поминав за време на мастектомијата“ – изјавува таа.
Преку фотосесијата за списанието, таа сака да му покаже на светот дека се гордее со своето тело и дека секоја лузна која ја оставила борбата против болестите, само ја потсетува колку е силна и издржлива.
Нејзините лузни се прикажани како еден вид уметност, а она кое таа сака да го презентира пред јавноста е важноста на превентивните прегледи, но и поддршка и охрабрување за сите луѓе кои се нашле во позиција како нејзината.
Нејзината приказна е доказ дека животот знае да биде навистина суров и да ни приредува секакви искушенија, но дека во ниту еден момент не смееме да се откажеме и да престанеме да се бориме за нашите соништа.
М. С. | Црнобело
Би можело да ве интересира:
Препорачуваме
Најчитани неделава
