Том Круз смее да ја гледа ќерка си Сури 10 дена во месецот, но зошто не ја видел со години?

Детали

четврток, 04 октомври 2018

Актерот кој е омилен на филмското платно во поглед на приватниот живот секогаш носи контроверзни одлуки кои ја изненадуваат јавноста.

Том Круз смее да ја гледа својата 12-годишна ќерка Сури 10 дена во месецот, но тој избра да не ја гледа воопшто.

Адвокат близок до актерот за еден американски медиум откри дека иако по бракоразводната парница со Кејти Холмс Том добил вакво право, тој не го користи. Донел ваква одлука затоа што Сури не е дел скиентологијата. Скиентолошката црква предизвикува многу контроверзии во последните години, но Том ѝ е комплетно посветен.

56-годишниот актер се ожени за Кејти (39) во 2006 година, а се разведоа во 2012. Круз не е фотографиран со ќерка си од 2013 година.

По разводот Кејти наводно потпишала договор дека нема да каже ништо лошо за скиентологијата за да може да го задржи старателството над Сури. „Таа само сакаше да избега од сето тоа и да ја земе Сури со себе“, изјави адвокатот.

Таа ги прекина контактите со сите од оваа заедница затоа што очигледно нема добри спомени оттаму.

Прочитајте и 10 контроверзни правила за децата според скиентологијата, кои ги почитуваше Том Круз.

С. С. | Црнобело