Џејми Дорнан ќе стане татко по 3 пат: „На сопругата секој ден ѝ велам дека ја сакам, а да се биде татко е супер“

Детали

понеделник, 08 октомври 2018

Актерот проговори за најважната улога во неговиот живот и за тоа што за него претставува движечка сила во животот.

Џејми Дорнан и неговата сопруга Амелија Ворнер го очекуваат своето трето дете. Парот, кој е во брак од 2013-та година, има две ќерки една на 4-годишна возраст, а другата на 2-годишна.

За семејството кое расте актерот од „Fifty Shades“ вели:

„Да се биде татко е супер. Се чувствувам прекрасно кога треба да обезбедам за моите деца, ми се допаѓа улогата, ми одговара. Да ги направиме нашите деца среќни е движечката сила за мене и мојата сопруга. Го обожавам татковството. Уживам во тоа. Тоа е најдобрата работа што ми се случила и знам дека ова е најважната улога во мојот живот.“

Инаку за сопругата Дорнан вели:

„Не постои ден кога не ѝ кажувам дека ја сакам. Нормално е, понекогаш се фрустрираме, но тоа е најчесто кога патуваме со децата, но никогаш не дозволуваме нешто да зоврие и да стане проблем. Знаеме парови кои постојано се расфрлаат со обвинувања еден кон друг, но тоа едноставно не сме ние. Мило ни е што не сме такви.“

Погледнете ги и неговите најубави семејни фотки.

С. С. | Црнобело