„Плакнеме очи“: 10 најуспешни машки модели на сите времиња

Детали

сабота, 19 јануари 2019

Името Лаки Блу Смит можеби ќе ви звучи смешно, но тој е еден од најуспешните машки модели на сите времиња.

Овие неодоливо прекрасни мажи доминираа на модните писти, рекламните кампањи и во списанијата во изминатите 3 декади, а Vogue ја состави листата.

Брендовите се „тепаат“ за нив, дизајнерите ги посакуваат на своите ревии. Иако постои дискриминација во поглед на заработувачката (женските модели се сè уште многу подобро платени за разлика од мажите), сепак некои од нив успеваат да инкасираат дури 4 милиони евра годишно.

Кои се 10 најуспешни машки модели во светот?

Шон О’Прај - Sean O’Pry

Според Форбс, Шон е најскапиот платен машки модел во 2013 година. Роден во Џорџија, САД, Шон е апсолутен миленик на Келвин Клајн и Армани.

Алекс Линквист - Alex Lundqvist

Дури и на 46-годишна возраст, шведскиот модел сè уште мами воздишки. Кариерата ја започна покрај Хелена Кристенсен во кампања за брендот Версаче, а има позирано и за Гес и Хуго Бос.

Дејвид Ганди - David Gandy

Многумина ќе се согласат дека ова е најубавото машко лице кое го виделе во животот. 38-годишниот британски модел лесно ќе го препознаете, бидејќи ја предводеше кампањата за најпознатиот парфем на Долче и Габана, Light Blue во 2006 година.

Марк Вандерлу - Mark Vanderloo

Марк е ветеран во модната индустрија, а започнал сосема случајно додека ѝ правел друштво на својата девојка за време на фотосесија во далечната 1990 година. Најпознат е по рекламите на Хуго Бос, а холандскиот модел има 50 години, доколку може да поверувате.

Тајсон Бекфорд - Tyson Beckford

Бил заштитното лице на линијата Поло на Ралф Лорен во 1990 година. Подоцна започнал да се занимава и со актерство, а се појави и во улогата на водител во емисијата Make Me A Supermodel.

Продолжува на следната страна...