Ким Кардашијан и кои други ѕвезди имаат најмногу лажни следбеници на Instagram?
- Детали
- среда, 14 август 2019
Речиси секој се восхитува на бројот на следбеници на профилите на познатите. Но, неретко забораваме дека многу од нив би направиле сè за да го зголемат овој број, па дури и купуваат следбеници.
Навистина постојат неколку агенции кои тврдат дека го зголемуваат бројот на следбеници на социјалните мрежи за одредена сума пари. Изгледа дека познатите се добро запознати со ова.
Според еден неодамнешен извештај, профилите на социјалните мрежи на Ким Кардашијан, Тејлор Свифт, Аријана Гранде и Елен Деџенерис имаат голем број лажни следбеници на Twitter и Instagram.
Едно ново истражување од страна на ICMP (Internet Control Message Protocol) ги обработило профилите на 99 познати личности од спортот и забавната индустрија и одредило кои од нив имаат најмногу лажни следбеници.
Се открило дека најмногу лажни следбеници има Елен Деџенерис, односно 58% од нејзините 75,6 милион следбеници на Instagram се лажни. На второто место се нашол корејскиот бенд BTS со 48% лажни следбеници, а веднаш зад нив е Ким Кардашијан со 49% од 80,7 милиони следбеници.
Следни на листата биле Тејлор Свифт со 49% и Аријана Гранде со 46%. Помеѓу останатите славни личности се истакнале и Мајли Сајрус со 45%, Кевин Харт со 44% и Дрејк со 38%.
https://www.instagram.com/p/B0whXBPHa-I/
Кога ќе се земе предвид колку познатите заработуваат од една објава на Instagram, не е ни чудно зошто купувањето следбеници станува тренд. Но сепак, овој извештај го поставува прашањето колку далеку би отишле луѓето за внимание и популарност.
Спирова С. | Црнобело