Се посветува на пријателите, не сака семејство и уште 7 причини зошто Џенифер Анистон не може да задржи маж

Детали

петок, 22 ноември 2019

Таа постигна многу во животот, изгледа прекрасно и има успешна кариера, но единственото поле на кое ѝ недостасува среќа и успех е љубовта.

Џенифер Анистон е талентирана актерка, што стекна голема популарност, прекрасна е и изгледа совршено – па, каде е проблемот што таа не може да најде маж за сериозно?

Актерката беше во брак вапати – еднаш со Бред Пит, но истиот неуспешно заврши по 5 години, кога тој се ожени со Џоли. По неколку години, таа се омажи со Џастин Теро, но 6 години подоцна, и овој брак заврши неславно. Оттогаш, Анистон е сингл.

Сепак, изгледа дека тоа ѝ одговара и актерката воопшто не очајува по љубовен живот, а во продолжение следат неколку причини кои се доказ за тоа:

1. Таа е целосно посветена на пријателите, постојано се дружи со славни личности, а во најблискиот круг на пријатели ѝ се Елен Деџенерис, Порша де Роси, Рис Витерспун и сака да поминува време со нив, па нема време за состаноци.

2. Нејзината кариера доживува неверојатни успеси, за разлика од останатите нејзини колеги од Friends – таа има 50 години и не личи како да планира да запре со искачување нагоре.

3. Џенифер е родена во семејство со актери, а нејзиниот татко ѝ е голем пример во животот, па можеби заради тоа има многу високи стандарди за мажите.

4. Иако зрачи со позитива, сепак таа знае да биде строга и дрска во некои ситуации – кога се гледала со Пит, мајка ѝ дала лоши критики во таблоидите, па заради тоа Џенифер не ја поканила на свадба.

5. Според една нејзина изјава, таа не сака да живее според правила и не сака да се води според стереотипите дека до одредена возраст мора да имаш партнер, деца и слично.

6. Анистон важи за независна жена на која не ѝ треба никој за да направи нешто – таа сама постигна успех, слава и богатство, па веројатно не ѝ е потребен принцот на бел коњ да ја одведе на подобро место, бидејќи таа веќе е „таму“.

7. Покрај актерската кариера, таа е претприемач со свои бизнис за производи за убавина, па веројатно нема ниту време да се посвети на љубовниот живот.

8. Во едно интервју има изјавено дека не е опседната со тоа да има деца, додека некои жени едноставно се создадени за да бидат сопруги и мајки – таа не е една од нив.

9. Откако беше во брак и се разведе двапати, можеби веќе не е заинтересирана за чекорење кон олтарот по трет пат. Веројатно тоа не е за секого.

М. М. | Црнобело