Северина го изгуби старателството над синот – 7-годишниот Александар ќе живее со татко му

Детали

четврток, 28 ноември 2019

Северина денес треба да го предаде синот на нејзиниот поранешен сопруг, Милан, бидејќи ја изгуби битката за неговото старателство.

Денес, судот во Загреб донел привремена мерка за одземање на старателството на Северина над синот Александар, во која одлучува детето да живее со неговиот татко, Милан Поповиќ.  

54-годишниот Милан ќе се грижи самостојно за здравјето и образованието на детето, а адвокатот вели дека се задоволни од одлуката на судот и се надеваат дека мајката ќе се држи до мерките.

Според одлуката на судот, Северина смее да го гледа 7-годишниот син двапати неделно, попладне, како и секој втор викенд од сабота наутро до недела навечер.

„Не знам што би ви кажала. Не го очекував ова бидејќи е направен преседан во постапката.“ – изјавила на телефон пејачката за Jutarnji.hr, гушејќи се во солзи.

Инаку, Северина пред неколку дена поднела кривична пријава против поранешниот сопруг заради повреда на правата на детето.

Наводно, момчето било истрауматизирано и добилo препорака од лекар да не оди на училиште, а таткото го однел, без нејзина согласност.

Станува збор за инцидент, кога детето било затворено во училиштето 2 часа, бидејќи мајката не дошла по него, а таткото не дозволил да го земе некој друг, односно сегашниот сопруг на Северина, Игор Којиќ, па директорката ја обвинила пејачката за занемарување на детето.

Според изворите, наводно Милан не е запознаен со пријавата и не знае што погрешил, а за гласините во медиумите вели дека нема да го носи синот во Србија и засега останува да учи во Загреб. 

М. М. | Црнобело