Познати личности кои стекнаа светска слава во 2019-та

Детали

вторник, 10 декември 2019

Били Ајлиш направи „бум“ на музичката сцена со песната „Bad Guy“, Камила Кабејо добро се „продаде“ пред публиката со хитот „Senorita“, а Хоакин Феникс го достигна врвот на својата слава и филмската кариера - кои личности се прославија во 2019-та?

Секоја година испливуваат нови таленти на светската сцена, а оваа беше „плодна“ и многу неоткриени или занемарени таленти се стекнаа со светска слава.

Били Ајлиш со нејзината песна „Bad guy“, Лизо со „Thruth hurts“, оваа година навистина многу нови артисти и изведувачи си го покажаа својот талент пред светската публика.

Издвојуваме 5 од многуте таленти кои допрва ќе се докажуваат и ќе го живеат својот момент на слава, на светско ниво.

Погледнете кои личности светски се прославија во 2019-та година:

Били Ајлиш                                                                          

Со само 18 години, Били Ајлиш во 2019-та стана светски позната. Со нејзината песна „Bad guy“ таа се искачи на врвот на листата на Billboard. Били е најмладиот изведувач во историјата која била номинирана за најважните 4 Греми награди.

Лизо

Во 2019-та со објавувањето на нејзиниот трет албум таа се искачи меѓу првите пет на Billboard листата, а нејзината песна „Truth hurts“ која ја објавила во 2017-та, две години подоцна се искачи на врвот на музичките листи. Лизо истовремено ги прекршува стандардите за убавината и совршеното женско тело.

Камила Кабејо

Откако се одвои од нејзината група Fifth Harmony, изгледа како на оваа малда пејачка само да ѝ се отвораат „вратите“ кон успехот. Со песната „Senorita“ која ја напиша во соработка со Шон Мендес, Камила Кабејо стекна светска слава.

Нивната песна го достигна бројот еден на многу американски и европски музички листи.

Хоакин Феникс

Овој глумец оваа година го достигна врвот на неговата слава со култната улога на Џокер во истоимениот филм. Филмот „Џокер“ се искачи меѓу првите 20 филмови на сите времиња.

Актерот досега е номиниран за три Оскари, а се надеваме дека овојпат ќе понесе еден со него дома, токму за оваа улога.

Тимоти Шаламет

Тимоти е млад американски актер кој допрва го чекаат слава и успех. За првпат се прослави во 2017-та година со филмот „Call me by your name“, а оваа година го доживеа своето деби, затоа што се појави во многу нови филмови.

Кариерата и успехот се неизбежни за овој млад актер кој моментално е во врска со ќерката на Џони Деп.

Т. Ѓ. | Црнобело