Првиот Велигден без Коби и Џиџи - Ванеса Брајант објави слатко видео од помалите ќерки

Детали

понеделник, 13 април 2020

Годинава се покажа како навистина лоша, но Ванеса Брајант се соочи со трагедија уште пред проблемот со корона вирусот да стане сериозен.

На 26-ти јануари, таа ги изгуби ќерката Џиана и сопругот Коби во страшна хеликоптерска несреќа.

Сега, Ванеса и ќерките го прославија првиот Велигден без нив.

За да ја разбуди велигденската атмосфера, Ванеса сподели слатко видео од 3-годишната ќерка Бјанка, која си игра со големо декоративно велигденско јајце. Веднаш до неа седи 9-месечната Капри која љубопитно ја набљудува нејзината сестра.

„Велигденски подароци! Бјанка и Капри“, стои во описот на видеото.

Периодов Ванеса го минува со Бјанка и Капри, но и 17-годишната ќерка Наталија.

Сопругата на кошаркарот постојано ги користи социјалните мрежи да им оддаде почит на загинатите Коби и Џиана, споделувајќи сеќавања, но и постхумните достигнувања на Коби, како неговото вклучување во Naismith Memorial Basketball Hall of Fame и објавувањето на неговата книга The Wizenard Series: Season One.

Истовремено, 37-годишната Ванеса се обидува да им овозможи сè на своите деца, вклучувајќи и малку забава за велигденските празници.

Спирова С. | Црнобело