Девојка се омажи за мажот што ѝ го спаси животот при масовното пукање во Лас Вегас


Девојка се омажи за мажот што ѝ го спаси животот при масовното пукање во Лас Вегас

Љубовта понекогаш има чудни патишта, а оваа љубов се родила при еден од најголемите масакри на сите времиња во САД со 58 жртви и стотици повредени.

devojka-se-omazhi-za-mazhot-shto-i-go-spasi-zhivotot-pri-masovnoto-pukanje-vo-las-vegas-01.jpg

Шантал Мелансон уживала во бар со пријателките кога ѝ пристапил Остин Монфорт, таа не знаела дека само 24 часа подоцна овој странец ќе ѝ го спаси животот во масовно пукање во Лас Вегас, едно од најстрашните кои се случиле досега во САД.

Во неделите по немилиот настан Шантал и Остин продолжиле да комуницираат за да си даваат поддршка по трагедијата, иако таа живеела во Канада, а тој во Калифорнија.

devojka-se-omazhi-za-mazhot-shto-i-go-spasi-zhivotot-pri-masovnoto-pukanje-vo-las-vegas-03.jpg

Парот во ноември 2019 година стапил во брак, а голема свадбена церемонија планирале во мај годинава во Лас Вегас, но ја откажале поради корона вирусот.

„Имаше причина што се сретнавме, тогаш кога се сретнавме. Си требавме еден на друг во хаосот. Изгледаше како да се знаеме отсекогаш“, вели 29-годишната Шантал.

devojka-se-omazhi-za-mazhot-shto-i-go-spasi-zhivotot-pri-masovnoto-pukanje-vo-las-vegas-04.jpg

Инаку таа отишла во Лас Вегас на концерт тој кобен период во 2017 година, а откако Остин ѝ оставил добар впечаток во барот минатата ноќ, таа го поканила на коцертот со неа.

Но, во 22 часот започнало пукањето и од 22.000 луѓе присутни на коцертот, убиени биле 58, а ранети 869 луѓе.

devojka-se-omazhi-za-mazhot-shto-i-go-spasi-zhivotot-pri-masovnoto-pukanje-vo-las-vegas-02.jpg

Шантал и Остин прво мислеле дека станува збор за огномет, но кога сфатиле што се случува легнале на подот. Иако повеќето луѓе се растрчале на сите страни, Остин останал до Шантал цело време и потоа ја одвел до излезот.

За среќа, минале без повреди. Тие отишле во болница за да однесат една ранета жена, а Остин цела ноќ бил покрај Шантал и правел да се чувствува безбедно.

„Тој беше моето сигурно место“, вели Шантал.

Потоа продолжиле да комуницираат, а 6 недели подоцна Остин ја посетил во Канада и оттогаш започнала нивната врска со патувања еден кај друг.

Ја запросил во март 2018 година на плажа, направиле мала венчавка и иако прославата во Лас Вегас им е откажана, тие се среќни што не се во различни држави и се заедно во карантин.

devojka-se-omazhi-za-mazhot-shto-i-go-spasi-zhivotot-pri-masovnoto-pukanje-vo-las-vegas-05.jpg

devojka-se-omazhi-za-mazhot-shto-i-go-spasi-zhivotot-pri-masovnoto-pukanje-vo-las-vegas-07.jpg

devojka-se-omazhi-za-mazhot-shto-i-go-spasi-zhivotot-pri-masovnoto-pukanje-vo-las-vegas-06.jpg

Прочитајте и Модерни „Ромео и Јулија“ во Италија: Се вљубиле гледајќи се од терасите во карантин.

С. С. | Црнобело

Би можело да ве интересира:

8 животни лекции од инспиративната Опра Винфри Таа вели дека мора да ја работите работата што ја сакате за да го осветлите свет...
12 славни жени кои родија деца по 40-тата година И покрај тоа што лекарите советуваат дека најдобрите години за раѓање дете се до...
Како е да се биде познат? - Криси Тајген одговара прашања од фановите за справувањето со славата Сите отсекогаш сме биле љубопитни за тоа како изгледа животот на познатите и бог...

Најчитани неделава