Деца на славни личности кои изградија успешна холивудска кариера настрана од нивните родители

Детали

недела, 25 септември 2022

Кога имате славни и успешни родители, може да биде тешко да излезете од нивната сенка. Ако, пак, одлучите да градите кариера во истата област како нив, уште потешко е да го добиете заслуженото признание за вашиот труд.

Но, децата на некои славни личности успеале да го прослават своето име, настрана од нивните родители.

Во продолжение погледнете дел од нив:

Кејт Хадсон

Ќерката на Голди Хоун, Кејт Хадсон, не само што има успешна актерска кариера, туку си има заработено и номинација за Оскар за улогата во „Almost Famous“. За истата улога освои и Златен глобус.

Денес Кејт има свои деца, па последниве неколку години повеќе се посветува на семејството.

Во 2013-та, пак, таа стана и коосновач на брендот за спортска облека Fabletics.

Маја Хок

Маја е ќерка на Ума Турман и Итан Хок, а нејзиното актерско деби го направи во 2017-та, во мини-серијата „Little Women“.

Набрзо потоа таа доби улога и во популарната серија „Stranger Things“, каде што ќе се појави и во следната, четврта сезона.

Младата актерка имаше и мала улога во „Once Upon a Time… in Hollywood“, и тоа не бидејќи мајка ѝ има соработувано со режисерот Квентин Тарантино.

Туку, Маја си се пријавила на аудиција и ја избрале поради нејзиниот талент.

Зои Кравиц

Зои, ќерката на Лиса Бонет и Лени Кравиц, веќе со години е модел и актерка. Помеѓу другите, таа се појави и во филмовите „X-Men: First Class“ и „Mad Max: Fury Road“.

Зои успеа да добие улога и во претстојниот филм „The Batman“, а веројатно го наследила и талентот на татко ѝ – таа е дел од бендот Lolawolf.

Софија Копола

Навистина е тешко да се истакнете како режисер ако вашиот татко е Френсис Форд Копола. Но, Софија успеа во тоа.

Режисерката доби Оскар за најдобро оригинално сценарио за „Lost in Translation“, а истиот филм имаше номинација и за најдобра режија.

Истовремено, таа стана втората жена во историјата на Канскиот филмски фестивал која ја доби наградата за најдобар режисер, за филмот „The Beguiled“.

Дакота Џонсон

Ќерката на Мелани Грифит и Дон Џонсон имаше мали улоги во „The Social Network“ и „The Five-Year Engagement“.

Но, откако ја доби главната улога во „Fifty Shades of Grey“, нејзината кариера тргна во нагорна линија.

Лили-Роуз Деп

Најстарата ќерка на Џони Деп и Ванеса Паради почна да гради кариера како модел, и од 2015-та таа е амбасадор на Chanel.

Младата девојка заплива и во актерските води и има улоги во филмови како краткометражниот „My Last Lullaby“ и претстојните „Dreamland“ и „Silent Night“.

Спирова С. | Црнобело