Нехумани услови, штетни продукти: Мрачни тајни за компанијата на Кајли Џенер

Уште еден плагијат

Претходно, во 2015-та, Кајли украла уште една идеја од Хагерти. Веднаш по лансирањето на Kylie Cosmetics, младата милионерка објави фотографија од усни на кои карминот е растечен – слика што Хагерти ја направила долго пред Кајли.

Таа дури и планирала да ја тужи младата богаташка.

Ужасно искуство за сите вработени

Еден поранешен вработен во фирмата на Кајли изјавил:

„Тоа беше ужасно искуство што не сакам да го имам уште еднаш. Работевме многу и некои менаџери се однесуваа толку лошо, што беше навистина непријатно. Очекувањата беа нереално високи за новите вработени, а ако не ги исполнуваш – добиваш отказ. Беше толку напорно, што единственото убаво нешто беа паузите за ручек“.

Мигрени од шминките

Изгледа нештата не се лоши само за вработените, туку и за муштериите на Кајли. Имено, минатиот февруари 15 луѓе испратиле поплака до Kylie Cosmetic, тврдејќи дека продуктите што ги купиле мирисаат на хемикалии и лепило.

За многу продукти муштериите велат дека мирисаат на боја, а некои се соочиле и со ужасни мигрени поради мирисот.

После овие обвиненија, фирмата на Кајли била проверена и наводно сè било во ред, но навистина е чудно тоа што продукт за убавина предизвикува такви несакани ефекти.

Во некои продукти имало и мравки

Една девојка го порачала сетот за усни на Кајли, но кога го отворила кутијата била полна со мравки.

Таа ја контактирала фирмата и ѝ рекле дека ќе ѝ пратат нов продукт, но тоа никогаш не се случило.

Обвиненија за експлоатација

Фановите реагираа навистина бурно кога дознаа дека за нејзините видеа за рекламирање на Snapchat, Кајли ја користела куќната помошничка.

Многумина ја обвинија дека ја експлоатира жената, бидејќи нејзината работа не е да ѝ биде модел.

„Ја користам раката на мојата куќна помошничка. Многу е добра и само седи таму и ми дозволува да работам“, има изјавено Кајли без грижа на совест.

Рециклирање продукти

Кајли беше обвинета и дека ги препакува непродадените продукти и ги продава како нови. Ова го забележале многу жени кои купиле навидум разни кармини, кои на крај имале иста боја.

Проблемот е што Кајли тврди дека некои продукти се „ограничени“, кога всушност ги продава старите во ново пакување, со повисока цена.

Празни кутии

Како сето ова да не е доволно, многу муштерии се пожалиле дека не само што добиле погрешни продукти, туку неретко кутиите биле целосно празни. Компанијата им понудила замена на речиси сите, но тоа не го оправдува овој пропуст кој се случувал премногу често.

Спирова С. | Црнобело