Дечкото на Кајли Џенер се прошета со женска чанта - и не му е првпат (фото)

Детали

четврток, 23 јануари 2025

Двапати во еден месец, Тимоти Шаламе беше забележан со женски Chanel чанти, па јавноста почна да се шегува дека можеби си позајмува облека од девојка му Кајли Џенер. Актерот веќе е препознатлив по смелите комбинации.

Тимоти Шаламе веќе е препознатлив по уникатниот моден стил и не се плаши да експериментира, особено кога се појавува на црвен тепих.

Сепак, со последниот моден избор стана мета на шеги.

Дечкото на Кајли Џенер беше забележан со минијатурна женска Chanel чанта во розова металик боја.

29-годишниот актер ја искомбинира чантата со розова јакна, фармерки, розов шал и капа.

Твитерџиите, пак, почнаа да се шегуваат дека сигурно ѝ ја украл на девојка му Кајли.

„Си позајмува од колекцијата на Кајли“, гласи еден од многуте слични коментари.

A, ова ова не е првпат актерот да се појави со минијатурна женска чанта од истиот бренд.

Пред нешто повеќе од една недела, додека даваше автограми во Париз, актерот носеше уште помала Chanel чанта, овој пат во сина боја.

Чантата имаше и златно ремче.

Актерот ја искомбинира со спуштени фармерки, црно-сива јакна и бејзбол капче.

И тогаш беше мета на шеги, а бидејќи станува збор за навистина мал модел, некои се шегуваа дека можеби позајмил и чанта од Сторми – ќерка ѝ на Кајли Џенер.

Некои, пак, ги критикуваа неговите спуштени панталони.

„Мислам дека овој тренд од 1990-тите не треба да се врати.

Уште се сеќавам на училишните денови кога наставничката им велеше на некои деца ’Кренете ги панталоните, никој не сака да ви ја гледа долната облека‘“.

Како што веќе спомнавме, Тимоти е познат по смелите комбинации и важи за актер кој не се плаши да експериментира и со облека што изгледа поженствено.

Прочитајте и: „Не сакам да верувам дека се пар“: Зошто фановите на Тимоти Шаламе ја мразат Кајли Џенер?

Во продолжение, дел од најсмелите и највпечатливите комбинации на актерот:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело