Прекрасен гест – Новак Ѓоковиќ им држи час по тенис на дечиња среде улица во Белград (видео)

Детали

недела, 18 октомври 2020

Додека го шетал неговото куче во Белград, тенисерот Новак Ѓоковиќ застанал за да им покаже неколку тениски трикови на негови фанови.

На Twitter се појави видео на кое се гледа српскиот тенисер како му покажува на едно детенце како правилно да го држи рекетот.

Наводно, тенисерот го шетал неговото куче низ улиците во Белград, кога налетал на група дечиња, од кои едното држело тениски рекет. Новак без двоумење му го побарал рекетот и му покажал како правилно да го држи, но и како да замавне со него. Околу нив, пак, стoи група дечиња кои љубопитно ги набљудуваат.

„Ретко ќе видите светски првак во тенис како им држи часови на децата во соседството додека си го шета кучето низ Белград“, стои во описот на видеото.

Not often you see the #1 tennis player in the world giving lessons to kids in the neighborhood while out walking his dog in Belgrade! @DjokerNole is an absolute class act on and off the court! 🙏🏽🎾🇷🇸 @atptour @novakfoundation #humanity pic.twitter.com/UYY5boOZ1J

— Adam Tatalovich (@AdamTatalovich) October 17, 2020

Навистина прекрасен гест од тенисерот, кој сигурно им ја разубавил вечерта на малите дечиња.

Спирова С. | Црнобело