Бурак Озџивит, познат како Бали Бег, со фотографија со црнокоса убавица поттикна лавина од коментари на Инстаграм

Детали

вторник, 01 јуни 2021

Оние што го следат турскиот актер Бурак Озџивит на социјалните мрежи деновиве останаа збунети откако тој објави фотографија со атрактивна црнокоса девојка. Сите се прашуваа која е девојката и каде е неговата сопруга Фахрије Евџен.

Бракот помеѓу Бурак и Фахрије често е на мета во турските медиуми. Иако двојката ужива во заедничкиот живот и во одгледувањето на синот Каран, медиумите често знаат да „ги разведуваат“ или да пишуваат за некакви брачни кризи.

Така, откако актерот објави ретка фотографија со сестра му Бурџун Озџивит и до неа напиша „Canımıniçi“ („Душичка“), дел од фановите останаа збунети.

Сепак, откако беше разјаснето дека згодната црнокоса девојка всушност е неговата сестра, најголем дел од коментарите беа сконцентрирани на тоа колку многу си личат братот и сестрата.

Изгледа Бурак е совршен во секој поглед, покрај што е згоден и атрактивен, тој е и верен сопруг и грижлив татко, па нема место за пишување за некакви брачни кризи.  

Инаку, Бурџун во 2015-тата година стана мајка, па така малиот Каран има преслатка шестгодишна прва братучетка од неговата тетка.

Повеќе фотографии од сестрата на актерот во продолжение:

Б. С. Б. | Црнобело