„Секогаш си тука за мене“ – Тристан ѝ го честиташе роденден на Клои по гласините за ново неверство

Детали

понеделник, 28 јуни 2021

„Ти благодарам за тоа што секогаш си била тука за мене и за тоа што секогаш го ставаш нашето семејство на прво место. Те сакам најмногу“ – ѝ порача меѓу другото Тристан Томпсон на својата девојка Клои Кардашијан на Инстаграм.

Тристан Томпсон со порака на Инстаграм ја искажа својата љубов за девојката и мајка на неговото дете Клои Кардашијан.

Пораката што беше објавена по повод 37-иот роденден на Клои на неговиот Инстаграм профил ги збуни следбениците, откако претходно се појавија информации дека тие дефинитивно ставија крај на врската.

„Среќен роденден Клои. Ти благодарам за тоа што си прекрасен партнер, мајка и најдобар пријател и за тоа што си најљубезниот, грижлив и најпрекрасен човек што сум го сретнал. Твојата љубов и дух се заразни за сите што те сретнале. Ти благодарам за тоа што секогаш си била тука за мене и за тоа што секогаш го ставаш нашето семејство на прво место. Те сакам најмногу. Имај прекрасен ден“ – напиша Томпсон до фотографиите што ги објави.

За оваа прилика тој одлучи да објави три фотографии: едната од неговиот 30-ти роденден, една фотографија каде тие се во опуштено издание и една заедничка со нивната 3-годишна ќерка Тру.

Пораката е објавена една недела откако претходно имаше гласини дека двојката дефинитивно ставила крај на врската иако тоа не е официјално потврдено од страна на Клои (36) и Тристан (30).

Како причина за раскинувањето се наведуваа бројните неверства на НБА играчот. Според пишувањата во светските медиуми, наводно Тристан повторно бил забележан како влегува во соба заедно со уште три девојки на забава во Лос Анџелес.

Овие информации веднаш беа негирани од страна на Тристан, а според други извори, Клои и Тристан се разделени веќе неколку недели наназад, односно тие ставиле крај на врската, откако претходно 23-годишната Инстаграм инфлуенсерка Сидни Чејс тврдеше дека НБА играчот ја изневерил својата девојка со неа.

Инаку, Клои и Тристан беа заедно од 2016-тата година, а во 2018-тата станаа родители на Тру. Тие се разделија во 2019-тата година, откако Тристан беше забележан како се бакнува со најдобрата другарка на Кајли Џенер, Џордин Вудс за време на забава во неговиот дом.

Сепак Клои и Тристан беа во добри односи, заедно ги прославија двата родендени на нивната ќерка, за минатата есен да најават дека се повторно заедно.

Б. С. Б. | Црнобело