Клои Кардашијан одлучи да стави крај на врската со Тристан Томпсон – го виделе како влегува во спална со 3 девојки
- Детали
- вторник, 22 јуни 2021
Уште една од сестрите Кардашијан реши да стави крај на долгогодишната врска. Клои Кардашијан наводно одлучила повторно да се раздели од Тристан Томпсон.
Клои (36) и Тристан (30) повторно ја започнаа врската минатата есен, инаку тие се родители на 3-годишната Тру Томпсон. Пред само неколку месеци во медиумите кружеа гласини дека двојката се свршила и дека планираат да стапат во брак, откако Клои претходно објави фотографија на Инстаграм на која се гледаше огромен дијамантски прстен, но по сѐ изгледа засега нивната приказна нема да има среќен крај.
Ѕвездата на реалното шоу Kepping up with the Kardashians и НБА играчот сè уште не излегле со официјални информации дека ја прекинуваат врската, но според пишувањата во светските медиуми, наводно овојпат причина за раскинувањето на врската е тоа што Тристан бил забележан како влегува во соба заедно со уште три девојки на забава во Лос Анџелес.
Според изјавите на очевидци, забавата што се случила минатиот четврток (17.06) била организирана од познатиот музичар Дрејк и се одржувала во приватна куќа. На YouTube се појавија снимки од забавата каде наводно присуствувал и Тристан.
https://www.youtube.com/watch?v=2Qj6Y2oTyiM
„Тристан беше заедно со Дрејк, Диди и Крис Браун во поголемиот дел од вечерта. Го видовме како се забавува со повеќе девојки на горниот кат и потоа отиде во приватна соба со три девојки. Изгледаше добро расположен и сакаше да се забавува. Пиеше и се забавуваше до рано наутро“ – велат очевидци за E! News.
Тристан веднаш ги негираше ваквите пишувања, па затоа можеби ова не е причината за нивната разделба, туку нешто друго.
Според други извори Клои и Тристан се разделени веќе неколку недели наназад, односно тие ставиле крај на врската, откако претходно 23-годишната Инстаграм инфлуенсерка Сидни Чејс тврдеше дека НБА играчот ја изневерил својата девојка со неа.
Инаку, Клои и Тристан беа заедно од 2016-тата година, а во 2018-тата станаа родители на Тру. Тие се разделија во 2019-тата година, откако Тристан бил виден како се бакнува со најдобрата другарка на Кајли Џенер, Џордин Вудс за време на забава во неговиот дом.
Сепак Клои и Тристан беа во добри односи, заедно ги прославија двата родендени на нивната ќерка, за минатата есен да најават дека се повторно заедно. Дали ова ќе значи дефинитивен крај на нивната врска или е само уште една од бројните драми останува да видиме.
Б. С. Б. | Црнобело
Би можело да ве интересира:
Препорачуваме
Најчитани неделава
