Адријана Лима разменува нежности со новото момче во Венеција и Париз – кој е мистериозниот Андре Лемерс? (фото)

Детали

петок, 03 септември 2021

По првото заедничко појавување во јавност на Филмскиот фестивал во Венеција, Адријана Лима повторно беше забележана со новото момче, а и овојпат постојано разменуваа нежности. Сега го знаеме и идентитетот на мистериозното момче.

Летово Адријана Лима ги потврди гласините дека е во врска, откако сподели Инстаграм Стори со нејзиното ново момче.

Парот се појави и заедно во јавност, на отворањето на Филмскиот фестивал во Венеција. Потоа беа забележани уште неколкупати како разменуваат нежности, а изгледа сега го знаеме и идентитетот на нејзината нова љубов.

Прочитајте повеќе: Адријана Лима (40) заблеска на Филмскиот фестивал во Венеција со новото мистериозно момче (фото)

По отворањето на Филмскиот фестивал во Венеција, Адријана Лима повторно беше забележана со нејзиното ново момче – филмскиот продуцент Андре Лемерс.

40-годишниот супермодел и нејзиното 40-годишно момче беа фотографирани во Венеција во такси на вода и не ги тргаа рацете еден од друг.

Како и секогаш, Адријана изгледаше одлично. Моделот носеше кафеав комбинезон, во комбинација со црн колан, црни сандали и чанта со крем боја.

Нејзиниот сакан носеше бели панталони и темносина кошула.

Најпрво парот сподели бакнеж на пристаништето, а штом се качија во таксито не се одделуваа еден од друг.

Од Венеција, парот се упати кон Париз, каде што заедно присуствуваа на забава. И овојпат, бакнежите и прегратките не изостанаа.

За забавата Адријана одбрала краток црн кожен фустан, во комбинација со црно сако и црни сандали. Андре, пак, носеше сиви панталони со бела кошула и црн џемпер.

Според светските медиуми, новиот избраник на Адријана се вика Андре Лемерс и работи како филмски продуцент. Има 40 години и наводно живее во Калифорнија.

Од 2016 година тој работи во продукциската куќа Hollywood Gang, која стои зад популарниот филм на Зек Снајдер – „300“.

Не е познато како Адријана го запознала новото момче, но се претпоставува дека се сретнале преку заеднички познаници, бидејќи и двајцата се активни во забавната индустрија.

Спирова С. | Црнобело