Емотивно видео: Двејн Џонсон му го подари својот автомобил на поранешен војник за да му ги разубави празниците

Детали

четврток, 25 ноември 2021

Двејн Џонсон израдувал неколку фанови со специјална проекција на неговиот нов филм, а за еден од нив решил да направив нешто големо, па му го подарил неговиот омилен автомобил кој е специјално направен за актерот. Џонсон го овековечи моментот во емотивно видео.

Двејн Џонсон уште еднаш покажа дека е личност со огромно срце, откако му го подари својот автомобил на еден фан.

Најпрво актерот поканил неколку фанови на проекција на неговиот нов филм Red Notice бидејќи сакал да направи нешто добро за нив.

Но, актерот сфатил дека сака да направи нешто многу подобро, нешто незаборавно, па решил да му подари автомобил на еден од фановите.

Џонсон почнал да истражува за фановите што присуствувале на проекцијата, а приказната на ветеранот Оскар најмногу го трогнала. Па, решил да му го подари неговиот автомобил како подарок за Божиќ.

Актерот сподели и видео од емотивниот момент кое почнува со кадар од ветеранот кој ја чита пораката напишана од актерот:

„Ти благодарам за службата, уживај во твојот нов автомобил“.

Веднаш потоа ветеранот Оскар прашува што се случува, го прегрнува актерот и почнува да плаче.

Во видеото има инсерт и од кино проекцијата на филмот, каде што актерот им се обраќа на фановите, а потоа го вика Оскар пред филмското платно и му кажува колку го допрела неговата животна приказна и го носи надвор кај неговиот подарок.

На крај, актерот вели дека Оскар дефинитивно повеќе го заслужува автомобилот отколку него, но и се шегува дека не може да си оди дома бидејќи сега нема автомобил.

„Денес беше добар ден. Среќен Божиќ Оскар и уживај во твојот новавтомобил.

Поканив неколку фанови на посебна проекција на Red Notice и сакав да направам нешто добро за сите нив. Исто така сакав да направам нешто големо за еден фан.

Првично идејата ми беше да го подарам автомобилот Porsche Taycan што го возам во филмот. Па, ги контактирав Porsche, но ме одбија. Но, јас реков да. Ќе направам нешто подобро. Ќе го подарам автомобилот што беше направен лично за мене.

Собрав што е можно повеќе информации за сите во публиката и, на крај, приказната на Оскар ме трогна. Тој се грижи за неговата 75-годишна мајка. Личен тренер е. Лидер е во неговата црква. Им дава поддршка и храна на жените жртви на семејно насилство. Тој е горд и скромен ветеран. Добро човечко битие.

Оди и уживај со твојот нов автомобил и среќен Божиќ до тебе и целото твое семејство!!!“, стои во описот на објавата

Набрзо потоа и ветеранот Оскар сподели фотографија со новиотавтомобил, искажувајќи ја неговата благодарност.

„Немам зброви да опишам колку благословен и благодарен сум“.

https://www.instagram.com/p/CWrV7DdPZFO/

На објавата има и коментар од актерот:

„Ти си добар човек. Многу сум среќен што Бог и универзумот нè поврзаа. Продолжи да правиш големи нешта!

Спирова С. | Црнобело