Бен Афлек со искрена исповед за алкохолизмот: „Се срамам од минатото“

Детали

четврток, 02 декември 2021

„Единствениот вистински лек за алкохолизмот е страдањето, се срамам од минатото“ – вели актерот Бен Афлек и додава дека е благодарен за втората шанса со Џенифер Лопез.

Холивудскиот актер Бен Афлек (49) во интервју за Wall Street Journal опширно говореше за сопствените грешки од минатото, за борбата со алкохолизмот и пороците, но и за вторите шанси што му биле пружени во животот.

За Бен Афлек се знае дека имал огромен проблем со алкохолизмот и со коцкањето, што се наведуваше како една од причините поради кои се разведе од поранешната сопруга Џенифер Гарнер (49) со која има три деца: Вајолет, Серафина и Семјуел.

„Има многу работи што би сакал помладата верзија од мене да можеше да ги разбере. За некои работи искрено, се чувствувам несигурно, или пак можеби се срамам да бидам отворен пред јавноста затоа што тоа во главно беа грешки.

Постојат работи што посакувам да ги направев поинаку и во основа кога размислувам за минатото посакувам да можев да ги избегнам болните мигови. Посакувам никогаш да не им нанесов болка на другите. Посакувам подобро да можев да сфатам што е она што ми го правеше животот потежок“ – вели тој.

Бен, отворено проговори и за сопствената борба со алкохолизмот и за тоа како се справува со искушенијата.

„Единствениот вистински лек за алкохолизмот е страдањето. Само треба да се надевате дека имате висок праг на толеранција за страдање, пред да ви го уништи животот.

Лично ме иритираа луѓето што имаа изјави: ’имам таков проблем и благодарен сум за тоа.‘ Си мислев: ’Тоа е ср**е. Не си благодарен за катастрофите, за тоа што ги повредуваш другите и си го уништуваш животот. Кажи си дека се чувствуваш како г**но поради тоа и дека посакуваш да бидеш подобро‘.

Дури во изминатите пет години почнав да се чувствувам благодарен за проблемите што ги имав. Голем дел од мојата болка е предизвикана од страдањата што им ги предизвикав на другите луѓе, а тоа е нешто што најмногу ме боли во животот“ – вели актерот.

Прочитајте и Бен Афлек во казино со мајката на Џеј Ло – дали актерот се враќа на старите пороци?

Афлек кој претходно во текот на годината се помири со бившата свршеница Џенифер Лопез вели дека е благодарен за „втората шанса“ во животот.

„Животот е тежок и постојано правиме грешки и се надеваме дека ќе научиме нешто од нив. Единственото нешто што ви треба е да знаете да ги зграпчите можностите за раст од вторите шанси што ви се нудат.

Навистина се потрудив да го направам тоа. Не бев успешен секогаш, но во тие случаи каде што успеав, ги најдов најважните аспекти во мојот живот“ – вели тој.

Актерот кој во 2018-та година се разведе од поранешната сопруга Џенифер Гарнер, проговори и за родителството и, како што рече, според него е мошне важно и двајцата родители да бидат вклучени во одгледувањето на децата.

Прочитајте и Се вљубил во Џенифер Гарнер додека бил со Џеј Ло: Детали како Бен Афлек раскина со Џеј Ло и се ожени со Гарнер

Б. С. Б. | Црнобело