Ја запознал кога била во брак со негов пријател – Скандалозната љубовна приказна на Сајмон Кауел и неговата вереница

Детали

четврток, 13 јануари 2022

Сајмон и Лорен имале афера додека таа била во брак со негов добар пријател. Заедно го добиле синот Ерик, а по осум години заеднички живот, Кауел конечно одлучи да ја побара за сопруга – Која е Лорен Силвермен, жената што го стопи срцето на суровиот судија?

Сајмон Кауел (62) важи за најсуровиот судија на Britain's Got Talent , а е заедно со неговата партнерка Лорен Силверман уште од 2013-та година. Светските медиуми пишуваат дека Кауел ја побарал за сопруга својата партнерка додека биле на прошетка на плажа во Барбадос.

Сајмон и Лорен заедно го имаат синот Ерик, кого го добија во 2014-та година, а според People, суровиот судија во познатите шоу-а за таленти American Idol и America's got Talent решил да ја побара за сопруга долгогодишната партнерка на Божиќ додека биле на одмор.

Нивната врска во изминатите години беше проследена со низа скандали и привлекуваше големо внимание во јавноста.

Погледнете повеќе факти во продолжение за скандалозната љубовна приказна на суровиот судија на талент шоуа:

Лорен Силвермен е ќерка на бизнисмените Стивен Дејвис и Керол Ајнсберг. Таа е позната дама во високите кругови на Њујорк, а честопати е забележана во друштво на Никол Шерцингер, Хајди Клум и Софија Вергара.

Во 2013-та и 2014-та година Лорен почна да привлекува особено внимание во таблоидите откако се дозна за нејзината афера со Кауел. Имено, Лорен во истиот период беше во брак со добриот пријател на Сајмон, Ендру Силверман.

Освен синот Ерик, Лорен од бракот со Ендру го има и синот Адам (15) кого го добила во 2006-тата година. По разводот Адам живее заедно со мајка му и со Сајмон.

Наводно, Ендру, ги запознал Лорен и Сајмон во 2004-тата година на Барбадос, а потоа тие често оделе заедно на одмор и поминувале доста време заедно.

За аферата на Сајмон и Лорен се дознало во 2013-тата година откако таа дознала дека е бремена со синот Ерик, по што Ендру веднаш поднел документи за развод.

Сајмон отворено говореше за забранетата врска во медиумите, па рече дека тоа не е нешто со што се гордее и дека немал намера да повреди некого:

„Едноставно се случи. Треба да се справувате со тоа и машки да се носите. Едноставно треба да ја прифатите одговорноста и критиките“.

Во изминатите осум години Сајмон и Лорен живееја заедно како партнери и заедно се грижеа за синовите Адам и Ерик. Сајмон во една прилика пак, рече дека нема намера да стапи во брак, но по сѐ изгледа сепак го променил мислењето.

За разлика од големиот број други познати дами од високите кругови Лорен нема профили на социјалните мрежи. Таа имала свој профил на Инстаграм, но го избришала во 2013-та година откако избувнал скандалот поради аферата со Сајмон и оттогаш повеќе не креирала нови профили.

Б. С. Б. | Црнобело