„Уште сум секси“ – Како Џим Кери го одбележа 60-тиот роденден + зошто мрази да се слика со фанови?

Детали

вторник, 18 јануари 2022

„Имам 60 и сè уште сум секси“ – холивудскиот актер Џим Кери со кратко видео на социјалните мрежи го одбележа роденденот. Кери во последните години одбива да се фотографира со обожаватели, а ова е ретко видео во кое можеме да видиме како тој изгледа во поново време.

Во свој стил, со хумористично видео во кое имитира старец, комичарот Џим Кери го одбележа својот 60-ти роденден на социјалните мрежи.

„Јуху, денес ми е роденден! Стар сум ама златен сум, ве сакам сите“ – напиша тој во описот до видеото на Твитер.

„Имам 60 и уште сум секси! Вечерва ќе јадам варена пченка и конзервирани праски“ – вели тој во видеото.

Актерот кој важи за еден од најпознатите комичари во светот доби голем број честитки и коментари, како од големиот број обожаватели кои му заблагодарија затоа што им го разубавил животот со неговите филмови, така и од долгогодишните пријатели.

Ова е едно од ретките видеа и фотографии од поново време што славниот актер ги сподели од себеси.

Погледнете како денес изгледа Џим:

Иако Џим Кери со текот на годините не ја загубил смислата за хумор, многумина коментираат дека тој станал малку понамќорест, па речиси никогаш не сака да се фотографира со своите обожаватели.

„Се откажав од тоа да глумам некој за некого многу одамна. Не чувствувам дека имам одговорност да им ги остварам желбите на сите.

Не дека сум нељубезен со луѓето, но повеќе би сакал да разговарам со обожавателите отколку да направам селфи. Затоа што селфи фотографиите го запираат животот“ – изјави тој во една прилика.

Во 2014-та година тој говореше и за тоа како само една фотографија со обожаватели може да му ја уништи вечерта:

„Тие мислат на тоа што тие го сакаат и тоа што ним им треба.

Па така ако некој дојде за да се фотографира, а наоколу има уште 100 луѓе со телефони, се обидувам да им кажам: ’Не можам во моментов затоа што сите имате телефони.‘

Потоа во текот на целата вечер ќе бидам како Дедо Мраз во трговски центар. Цела вечер ќе ми биде уништена“ – рече тој.

Џим е светски познат актер и едно од најпрепознатливите лица во Холивуд, а изненадува фактот што тој ја мрази славата и се обидува колку може повеќе да ја сочува приватноста.

Во прилог на тоа оди и фактот што тој нема свој профил на Инстаграм, а во последните години сè поретко се појавува во филмови.

Прочитајте и Му праќал писма на Тупак во затвор, страда од депресија – факти за Џим Кери

Б. С. Б. | Црнобело