Холивудскиот секси заводник е непрепознатлив во улогата на „Пингвин“ во новиот Бетмен (фото)

Детали

среда, 26 јануари 2022

Кога зборуваме за добри филмски маски, веројатно мислиме на трансформацијата која ја доживеа Колин Фарел (45) за улогата на негативецот Пингвин во најновиот филм за суперхеројот Бетмен.

Премиерата на The Batman, во кој главната улога ја толкува Роберт Патинсон, е закажана на 4 март, 2022 година.

Главниот негативец кој ќе се обиде да го повтори уникатниот, гротескен лик кој го толкуваше Дени Де Вито во Batman Returns (1992), овојпат му припадна на Колин Фарел, кого никој не го препозна.

Со помош на технологијата и добрите трикови за шминкање, но и генијалноста и упорноста на актерите, нивните ликови на екранот се целосно непрепознатливи.

Во последниот трејлер за филмот, никој не го препозна Колин Фарел.

Одличниот актер успеа целосно да се трансформира во измислениот негативец „Пингвин“, а неговиот претходник Де Вито рече дека е возбуден што ќе го види Фарел во оваа улога.

Фарел пак изјави дека е почестен што е дел од овој голем проект, што го очекуваат милиони луѓе со нетрпение.

„Навистина се радувам на сето тоа. Иако немам многу сцени, и овие неколку во кои се појавувам исклучително ме израдуваа. Пингвинот е фантастичен лик“, изјави холивудскиот заводник.

(О)Милена | Црнобело