Џејсон Стејтам (54) и Роузи Хантингтон-Вајтли (34) добија второ дете - не се брзаат да стапат во брак

Детали

среда, 09 февруари 2022

Холивудскиот актер Џејсон Стејтам (54) стана татко по вторпат. Неговата свршеница Роузи Хантингтон Вајтли (34) на Инстаграм потврди дека на 2-ри февруари добиле ќерка.

Роузи Хантингтон Вајтли на Инстаграм објави фотографија со бебешко креветче и до неа го откри името на најновиот член на нивното семејство.

„Изабела Џејмс Стејтам, 02.02. 2021“ – напиша таа до фотографијата.

Роузи и Џејсон постојано живеат во САД, но според британските медиуми, убавата манекенка се породила во Лондон.

Инаку, Џејсон Стејтам и Роузи се запознале на забава во Лондон во 2009-тата година, а во врска од 2010-тата година. Во 2016-та година ја објавија свршувачката и следната, 2017-та година го добија синот Џек Оскар.

Тие двајцата се заедно речиси 12 години, од кои речиси 6 години се свршени, но очигледно не им се брза да стапат во брак.

Роузи во минатото говореше за тоа кога би можело да очекуваме да застанат пред олтар, па рече дека тоа не им е приоритет.

„Се радуваме на тоа што ќе стапиме во брак, но сепак не ни е главен приоритет, затоа што сме мошне среќни. Сметаме дека би било забавно да застанеме пред олтар кога бебето ќе порасне и ќе можеме да го вклучиме во свадбата“ – рече таа во 2018-та година.

Таа честопати коментира дека никогаш не им пречела 20 годишната разлика помеѓу неа и Џејсон и дека според нив годините се само број, а на прашањето за тоа што е она што најмногу го сака кај својот свршеник, Роузи рече:

„Тој е неверојатен татко што многу ми помага. Тој е партнер што многу ме поддржува и е заштитнички настроен, а исто така има и одлична смисла за хумор.“

Б. С. Б. | Црнобело