Шакира и Пике се разделија по 11 години врска по бројните гласини за неверството на фудбалерот

Детали

сабота, 04 јуни 2022

„Со жалење потврдуваме дека се разделуваме. За доброто на нашите деца, ве молиме почитувајте ја нивната приватност“, гласи заедничката изјава на 45-годишната пејачка и 35-годишниот фудбалер.

Изминативе неколку денови повеќе шпански медиуми споделија дека Шакира и Пике повеќе не се заедно, наводно поради неверство на фудбалерот. Сега тие ја потврдија веста за разделбата, но не открија која е причината.

Со заедничка изјава за медиумите, 45-годишната пејачка и 35-годишниот фудбалер открија дека повеќе не се заедно:

„Со жалење потврдуваме дека се разделуваме. За доброто на нашите деца, кои се нашиот најголем приоритет, ве молиме да ја почитувате нивната приватност. Ви благодариме за разбирањето“.

Шпанскиот медиум El Periodico тврди дека тие живеат одвоено веќе неколку недели откако пејачката го избркала фудбалерот од дома.

Парот не спомна ништо за неверство, но шпанските медиуми велат дека тој веќе уживал во ергенскиот живот.

Претходно, во 2017 година, исто така имаше гласини дека парот ставил крај на врската, но тогаш се покажаа како лажни.

Шакира и Пике се запознаа во 2010-та за време на снимањето на спотот за песната Waka Waka. Официјално ја потврдија врската следната година.

Во 2012-та тие споделија дека го очекуваат првото дете – синот Милан, а во 2015-та го добија и второто – синот Саша.

Шакира и Пике многупати имаа изјавено дека воопшто не размислуваат за брак, но нивната врска важеше за една од најстабилните во светот на славните.

Спирова С. | Црнобело