Кортни Кардашијан и Тревис Баркер „уловени“ како ја прославуваат годишнината од запросувањето (фото+видео)

Детали

вторник, 18 октомври 2022

Кортни Кардашијан и Тревис Баркер на Инстаграм објавуваат стари фотографии од запросувањето и од свадбата, а Ребел Вилсон ги улови на камера каде биле и што правеле по повод годишнината од запросувањето. Во видеото се гледа дека парот уживал во романтична атмосфера на истото место каде што беше запросувањето.

Кортни Кардашијан и Тревис Баркер вчера (17.10.) прославија една година од денот кога тапанарот клекна на едно колено и ја побара за жена ријалити ѕвездата.

На нивните Инстаграм профили тие денот го одбележаа со фотографии од запросувањето, но и од свадбата што се одржа во Италија минатото лето, а Ребел Вилсон успеа да ги „улови“ на камера и да покаже што правел парот и како ја прославил годишнината.

Актерката Ребел Вилсон објави кратко видео на Инстаграм каде покажа дека успеала да ги сними Кортни Кардашијан и Тревис Баркер како ја прославуваат годишнината од запросувањето на плажата во Санта Барбара, каде точно пред една година тапанарот клекна на едно колено и ја побара за жена.

Со аранжман од рози што речиси беше идентичен на оној од пред една година, класична музика на гитара и виолина, парот одбележа една година од денот кога Кортни прифати да му биде сопруга на Тревис, а Ребел Вилсон вели дека целиот момент бил премногу сладок.

„Се прашував: Кој свири класична музика под мојот прозорец! Забавувајте се гулапчиња!“ – напиша Ребел Вилсон на едно од видеата.

Може да се забележи дека романтичниот момент постојано се снима од двајца камермани, а тоа значи дека наскоро ќе имаме можност да погледнеме нови професионални фотки од парот.

Прочитајте и Скот не успеа да ја круниса љубовта со Кортни 9 години, Тревис ја побара за 1 година – нови фотки и критики за парот

Б. С. Б. | Црнобело