Ники Минаж и Карди Би се степаа на Модната недела во Њујорк: Најголемите ривалства во светот на познатите

Детали

недела, 27 ноември 2022

Парис Хилтон го исмеваше задникот на Ким Кардашијан, додека Канје Вест ја навреди Тејлор Свифт во негова песна, откако ѝ го прекина говорот на доделувањето на VMA – кои се најголемите ривалства во светот на познатите?

Како и обичните луѓе, и познатите се расправаат едни со други. Но, поради нивниот статус, за овие кавги дознава целата јавност.

Кои се најпознатите и најголемите ривалства во светот на славните?

Канје Вест и Тејлор Свифт

Во 2009 година, Тејлор Свифт освои награда за најдобар музички спот на Video Music Awards. Кога ја прифаќаше наградата, Канје Вест се качи на сцената и бесрамно ѝ го прекина говорот.

Подоцна раперот се извини за своето однесување, а и јавноста заборави на инцидентот.

Но, во 2016 година, Канје ја издаде песната Famous во која има погрдни стихови за Тејлор Свифт, како:

„Мислам дека јас и Тејлор сепак ќе имаме секс. Зошто? Јас ја направив таа к*чка позната“.

Песната беше пречекана со лавина негативни реакции, но раперот тврдеше дека Тејлор дала дозвола стихот да заврши во песната.

Сепак, Тејлор воопшто не се согласила на ова, па односот меѓу нив повторно се залади.

Парис Хилтон и Никол Ричи

Парис Хилтон и Никол Ричи беа синоним за најдобри пријателки во раните 2000-ти. Тие дури имаа и заедничко ријалити шоу – The Simple Life – кое се емитуваше од 2003 до 2005 година.

Потоа, одеднаш, Парис и Никол станаа најголеми непријателки, за што богатата наследничка изјави:

„Не е тајна дека јас и Никол повеќе не сме пријателки. Никол знае што направи и тоа сè што имам да кажам за ова“.

Уште не е познато што точно се случило, но според некои гласини, Никол ја пуштила секс-снимката на Парис Хилтон додека биле на некоја забава.

Карди Би и Ники Минаж

Подолг период, Ники Минаж и Карди Би суптилно се напаѓаа и навредуваа една со друга во нивните песни.

Ситуацијата кулминира во 2018 година, на забава за време на Модната недела во Њујорк.

Според присутните, Ники Минаж ја навредила Карди Би во врска со нејзините мајчински способности, по што двете жени почнаа да се тепаат.

Тепачката е овековечена и на видео споделено од страна на TMZ.

Продолжува на следната страница...