Добра вест по лошата дијагноза – најстарата ќерка на Брус Вилис и Деми Мур е бремена: „Ќе бидам откачена баба“

Детали

среда, 21 декември 2022

Најстарата ќерка на Брус Вилис и Деми Мур го очекува првото дете, а бременоста дефинтивно е светла точка во нејзиното семејство, по дијагнозата со афазија на актерот кој веќе ги чувствувал сериозните симптоми од болеста.

По дијагнозата со афазија, семејството на Брус Вилис сподели дека се надева на божиќно чудо, а изгледа дека сега го добија токму тоа – актерот ќе стане дедо.

Најстарата ќерка на Брус Вилис и Деми Мур – Румер Вилис – откри дека го очекува првото дете со момчето Дерек Ричард Томас.

Парот ги сподели убавите вести со објава на Инстаграм.

На една од фотографиите се гледа силуетата на Румер која веќе е во поодмината бременоста, а на останатите две нејзиниот дечко ѝ го прегрнува и бакнува стомакот.

Не е познато во кој месец е 34-годишната Румер, а ова ќе биде првото внуче на Брус Вилис и Деми Мур кои заедно имаат три ќерки.

Нормално, и Деми Мур се пофали на Инстаграм за убавите вести, со истите фотки што ги сподели Румер.

„Влегувам во ерата на откачена и ексцентрична баба“, стои во описот.

Изминативе неколку месеци се вистински предизвик за Брус Вилис и неговото семејство.

Покрај тоа што актерот се повлече од неговата кариера, извори блиски до него споделуваат дека состојбата постојано му се влошува и веќе ги чувствува сериозните симптоми од болеста.

Но, бременоста на Румер дефинитивно ќе им даде повод за прослава во овие тешки мигови.

Спирова С. | Црнобело