Модел од Чиле тврди дека има секс-снимка со Кристијано Роналдо – имале афера додека тој беше во врска со Ирина Шајк

Детали

вторник, 28 февруари 2023

Моделот Даниела Чавез и претходно има изјавено дека имала афера со Кристијано Роналдо додека тој бил во врска со Ирина Шајк, а сега тврди дека има и секс-снимка како доказ, но не ја објавува за да ја заштити приватноста на фудбалерот.

Даниела Чавез од Чиле, која работи како модел, тврди дека не само што имала афера со Кристијано Роналдо, туку дека има и секс-снимка којашто го докажува тоа.

Во серија твитови, од кои дел подоцна беа избришани, Даниела вели дека спиела со фудбалерот кога тој беше во врска со Ирина Шајк.

Ова не е првпат Даниела да зборува за наводната афера со фудбалерот, но сега првпат спомнува секс-снимка.

„Кристијано беше многу срамежлив на почетокот, но кога ја изгради самодовербата стана вистински маж. Ме сакаше, но не сакаше да го покаже тоа.

Јас само сакав да си го исполнам сонот да имам секс со него“, изјави таа пред неколку години.

Во нова објава на Твитер, Даниела напиша:

„Ако некој има секс со друга личност која не е негов партнер, но е личност со слободен ум која не сака да дава објаснувања, дали тоа е неверство? Тогаш, дали јас и Кристијано бевме неверни? Тоа беше само секс“.

Даниела дури и го означила фудбалерот на твитот кој за само неколку денови стана вирален.

Дел од твитерџиите почнаа да ја критикуваат и да ѝ велат дека лаже, па Даниела сподели дека имала секс-снимка со фудбалерот, но и дека знаела за други фудбалери кои редовно ги изневерувале сопругите.

„Отсекогаш го негирав ова и измислував приказни за да го избегнам. Но, повеќе не можам да кријам. Нема потреба да кажувам нешто што не е вистина.

Знам други жени кои биле со познат фудбалер. Имам и видео како доказ, но не можам да го објавам поради неговата приватност и бидејќи сме потполно голи“.

Подоцна Даниела го избриша овој твит, но уште стои на тврдењето дека Кристијано ја изневерил Ирина Шајк со неа.

Иако фудбалерот беше тагнат на нејзината објава, тој уште се нема огласено во врска со тврдењата на Даниела.

За потсетување, фудбалерот и Ирина Шајк ставија крај на врската во 2015 година. Следната година тој ја сретна Џорџина Родригез со која има и две деца.

Моментално парот е во Саудиска Арабија со сите деца.

Спирова С. | Црнобело