Најскандалозните моменти во историјата на Оскарите: Шлаканицата на Вил Смит, Марлон Брандо ја одби наградата, гол маж претрча на сцената

Секоја година Оскарите носат ново возбудување. Преку црвениот тепих и модата, до изборот на филмовите и актерите кои ги добиваат наградите, возбудата никогаш не престанува. И кога ќе помислите дека сте виделе сè и ништо нема да ве изненади, ќе се случи неочекуван момент... на пример, шлаканицата што Вил Смит му ја „врза“ на Крис Рок и ја засени целата церемонија.

Освен шлаканицата за која се зборува и денес, тука е и Марлон Брандо кој одби да го прими Оскарот, моментот кога погрешен филм беше прогласен за победник во 2017 година, изјавата на Анџелина Џоли дека е заљубена во својот брат, гол маж претрча на сцената среде пренос...

Некои од најголемите скандали што се случиле во историјата на Оскарите:

Вил Смит му удри шлаканица на Крис Рок

Еден од најголемите скандали во историјата на Оскарите е шлаканицата што Вил Смит му ја удри на Крис Рок во 2022 година.

Додека ја водеше церемонијата, Рок се пошегува на сметка на алопецијата на Џејда Пинкет Смит, со што ја навреди.

Иако Смит во првиот момент се смееше на коментарот, откако неговата сопруга му искоментира нешто, тој се качи на сцената и го удри Рок по лицето.

Потоа се врати на своето место, а до крајот на вечерта освои и Оскар, што ја направи целата ситуација уште поскандалозна.

Анџелина Џоли кажа дека е заљубена во својот брат

Пред да стане мајка и активист, Анџелина Џоли беше дивото дете на Холивуд. Таа во 2000 година го бакна својот брат на црвениот тепих пред церемонијата.

А, кога истата вечер ја освои наградата за споредна женска улога во филмот Girl, Interrupted, во говорот таа кажа: „Многу сум заљубена во својот брат во моментов“.

Еди Вилијамс дојде облечена како порно актерка

Актерката Еди Вилијамс на црвениот тепих во 1986 година дојде облечена во креација од бисери, од која ѝ се гледаше голото тело. Коментарите беа дека се облекла како порно актерка.

Но, стилот на Вилијамс не се менуваше со годините, а таа остана запаметена повеќе по облеката, отколку по улогите и талентот за глума.

Мајкл Мур го навредуваше претседателот Буш во победничкиот говор

Откако освои Оскар за својот филм Bowling for Columbine во 2003 година, режисерот Мајкл Мур го искористи говорот за да го навреди тогашниот американски претседател Џорџ Буш.

„Живееме во време кога злобен човек нè испраќа во војна заради измислени причини... Засрамете се господине Буш, засрамете се“, рече Мур.

По оваа изјава, публиката го исвирка, а оркестарот почна да свири за музиката да го прекрие неговиот говор.

Адриен Броди страстно ја бакна Хали Бери

Во 2003 година, Хали Бери му ја додели наградата за најдобра улога на актерот Адриен Броди, за филмот The Pianist. Кога се качи на сцената, Броди неочекувано страстно ја бакна Бери, а дури потоа ја зеде наградата.

Актерката подоцна откри дека бакнежот не бил планиран, но и дека не му се истргнала од прегратката зашто и неа ѝ било убаво.

Продолжува на следната страница...