Бразилска ТВ-ѕвезда се породи на 56 години и стана мета на критики: „Изгледаш како баба на бебето“

Детали

недела, 19 март 2023

„Има илјада начини да се биде мајка. Во мојот случај, да се биде мајка на 50+ беше предизвик, но вреди да се размислува за тоа дека денес постојат илјада семејни формати“- одговори бразилската актерка на злобните критики дека изгледа како баба на бебето кое го родила природно на 56 години.

 

Бразилската актерка Клаудија Раја, која минатиот месец го роди своето трето бебе Лука, неодамна откри дека останала бремена по природен пат на 55 години, а наместо само на пофалби, таа на социјалните мрежи наиде и на злобни критики. 

Таа призна дека неколку години мислела дека е во менопауза и дека нема можност да забремени. Но, кога дознала дека ќе стане мајка, тоа за неа бил најсреќниот момент во животот.

Откако се породи, Клаудија со своите 8,5 милиони следбеници на Инстаграм сподели прва фотка со бебето. Покрај честитките и емотивни пораки, таа доби и многу критики.

„Дали таа е баба или прабаба на детето?“, стои во коментарите.

„Изгледа како баба на бебето“, пишува друг.

Еден ден по породувањето, Раја објави видео на Инстаграм во кое бара од луѓето да престанат да ги осудуваат другите толку грубо.

„Има илјада начини да се биде мајка. Во мојот случај, да се биде мајка на 50+ беше предизвик, но вреди да се размислува за тоа дека денес постојат илјада семејни формати и многу други форми на мајчинска љубов.

Треба да ја запреме оваа манија на осуда или ставање ограничувања на мајчинството на другите луѓе, бидејќи секој човек го гледа ова искуство на многу интимен и уникатен начин“, вели таа во видеото.

Раја, освен Лука, ги има и синот Енцо (25) и ќерката Софија (15) од бракот со актерот Едсон Целулари.

Таа професионалната актерска кариера ја почна во 1985 година, кога глумеше во шоуто наречено „Roque Santeiro“.

Оттогаш глумеше во бројни теленовели и освоила повеќе награди во текот на нејзината повеќедецениска кариера.

А. Ј. | Црнобело