Како дете чувал овци, цел живот сака една жена - Како Лука Модриќ од бегалец стана еден од најдобрите светски фудбалери?

Иако условите за живот биле лоши, татко му, кој во меѓувреме добил работа во војската на Хрватска, издвојувал пари за да му овозможи на синот да тренира.

Лука имал 14 години кога заминал на проба во сплитски „Хајдук“, каде што му рекле дека е физички слаб, но тој сепак учествувал на неколку натпревари во клубот.

Кога завршил основно училиште, тренерот на „Задар“ му препорачал на легендарниот Здравко Мамиќ да го земе Лука под свои закрила и во 2000 година тие потпишале договор, а Модриќ станал член на „Динамо“.

Во 2008 година се пресели во англиски „Тотенхем“, од каде, четири години подоцна, во 2012 замина во „Реал Мадрид“.

Неговото потпишување за кралскиот клуб, многумина го оценија како најлошиот потег во поновата историја на „Реал“.

Но, Модриќ им покажа дека грешат и во своите 13 години таму, освен што стана предводник на играчите, освои и 27 титули, што е рекорд во клубот.

Во меѓувреме, стана и капитен на хрватската репрезентација и ја одведе до среброто на Светското првенство во 2018, бронзата во 2022, но и до среброто во УЕФА Лигата на нации во 2023.

И додека на теренот е мотивиран и борбен, во приватниот живот Лука е смирен и сталожен.

Тој е во брак со Вања Модриќ и важат за еден од најскладните парови во Хрватска.

Се запознале кога Лука имал само 19 години, а Вања 6 повеќе од него, односно 25.

Нивната прва средба се случила во канцеларијата на Здравко Мамиќ, каде што работела Вања.

Им требале само 6 месеци за да решат дека треба да почнат да живеат заедно, а по 4 години врска се венчаа на 12 мај 2010.

Тие имаат три деца - синот Ивано и ќерките Ема и Софија.

Иако Модриќ има огромно богатство и светска слава, сепак ги учи децата да бидат скромни и да не се расфрлаат со пари, па никогаш не им купува прескапи подароци, а и роденденските прослави не им се раскошни, туку „нормални“.

Погледнете повеќе фотографии на следната страница...