Контроверзна роденденска забава на Ламин Јамал (18): Нудел до 20.000€ на девојки, ангажирал луѓе со џуџест раст

Детали

вторник, 15 јули 2025

Клаудија Калво, шпански модел, го обвини фудбалерот на Барселона дека барал „русокоси со големи гради“ за роденденската забава и им нудел меѓу 10 и 20 илјади евра, но со забрана да носат мобилни телефони.

Младата ѕвезда на Барселона, Ламин Јамал, наполни 18 години на 12 јули.

Своето полнолетство го прослави со голема забава во приватна куќа, а на која темата била „Италијанска мафија“.

Но, прославата на 18-тиот роденден на младиот фудбалер наиде на осуда од јавноста, откако беа откриени неколку контроверзни моменти.

Наводно, Јамал, преку свои соработници, им понудил од 10 до 20.000 евра на неколку девојки за да дојдат на забавата.

Тој инсистирал девојките да се русокоси и да имаат големи гради, а дека со себе не смеат да носат мобилни телефони за да снимаат или фотографираат.

Ова го открила Клаудија Калво, италијански модел, од која, наводно, било побарано да ги пронајде девојките, но таа ја одбила понудата.

„Не знам што очекуваа од нас за тие пари“, рекла Клаудија.

Брзо потоа, таа преку Инстаграм Стори демантира дека ѝ пристапиле лично на неа, туку само дека пренела информации.

„Сакам официјално да ставам јасно до знаење дека не сум рекла ништо друго освен она што ми беше кажано, и во ниту еден момент не сум зборувала или именувала никого со овие обвинувања.

Се работи за претпоставки, бидејќи ништо не е докажано со фотографии или опипливи докази.

Се извинувам ако моето сведоштво е погрешно протолкувано. Јас сум само информатор“, пишува таа во пораката.

Нејзиниот коментар звучи како јавно извинување, нешто што обично го бараат адвокатите за да не поднесат тужба против некоја личност за клевета и слично.

Уште една контроверзија е изнајмувањето луѓе со џуџест раст, актери, кои требале да ги забавуваат гостите.

Овој потег наиде на осуда од неколку здруженија, кои сметаат дека Јамал го направил ова за да ги исмева овие луѓе.

Негативни коментари има и за изборот на темата мафија, но и роденденската торта која била украсена со пиштоли и реквизити кои алудираат на коцкање.

Инаку, на забавата на Јамал присуствувале неколку од неговите соиграчи од Барселона.

Пред журката, пак, младиот фудбалер објави видео со кое најави дека слави роденден.

Погледнете го видеото:

А. Ј. | Црнобело