Најзгодната олимпијка за својата голгота: „Ме критикуваа за шминката, ме осудуваа, но не сакав да се правдам никому“

Детали

петок, 20 февруари 2026

„Овој момент докажува дека не мора да бидете помалку свои за да постигнете нешто големо. Дека вашиот изглед не ве дефинира како личност или како спортист“, напиша во моќната порака холандската лизгачка, која од Олимпијадата си замина со 2 медали.

Олимписката шампионка во брзо лизгање, Холанѓанката Јута Лердам (27), е една од најатрактивните лизгачки, но и една од најзгодните спортистки кои натпреваруваа на Олимпијадата во Милано и Кортина.

Јута, освен што остави впечаток со својот изглед, воодушеви и со постигнатите резултати. Таа освои злато и стана олимписка шампионка на 1000m брзо лизгање и сребро на 500m.

Откако заврши нејзиниот настап на Олимпијадата, таа објави фотка на Инстаграм, на која е „уловена“ во момент кога слави - со израз на олеснување, раширена уста, кренати раце, а по лицето ѝ тече солза, помешана со црната боја од нејзината шминка.

Оваа една фотка, вели во објавата Јута, најдобро го доловува тоа што таа го доживеала на Олимпијадата, но и во годините претходно, кога била омаловажувана, критикувана, исмевана, па раскажа за својата голгота.

На Инстаграм, таа напиша:

„За мене, оваа фотка го долови сето она за што се залагаа моите Олимписки игри.

Овој момент докажува дека не мора да бидете помалку свои за да постигнете нешто големо. Дека вашиот изглед не ве дефинира како личност или како спортист.

Дека ако работите напорно и останете решителни, сè ќе се среди.

Толку е иронично, затоа што мојот ајлајнер и шминка се нешто за кое ме осудуваа во текот на целата моја кариера, а сè што правеа тие е да ми дадат самодоверба и да направат да се чувствувам женствено и моќно.

Притисокот што го чувствував, осудата со која се справував околу толку многу работи, напорната работа што ја вложував толку многу години, сето тоа се собра во овој момент.

Никогаш не чувствував потреба да докажам нешто.

Го направив ова за себе, за помладата јас, за моето семејство и за сите жени кои не сакаат да бидат ставени во кутија и само сакаат да бидат свои автентични верзии.

Потсетник е дека можете да бидете нежни и силни, дисциплинирани и женствени во исто време.

Никогаш не дозволувајте никој да ја затемни вашата светлина.

Љубов, љубов, љубов“.

Погледнете повеќе фотографии:

Прочитајте и Ѝ се скина оделото, освои злато на Олимпијада, дечко ѝ рони солзи – Која е најзгодната лизгачка, „летечка Холанѓанка“?

  А. Ј. | Црнобело