Има 20 години, а поради ретка болест изгледа како дете: „Не можам да одам, но среќна сум што сум жива“

Детали

четврток, 06 април 2023

Аболи Јарит од Нагпур, Индија, има 20 години, но поради неизлечлива болест изгледа како мало девојче. Аболи има остеодистрофија, болест која ја оставила деформирана и го запрела нејзиниот физички развој во раната фаза од животот.

Аболи признава дека навикнала луѓето да ја гледаат како дете поради ретката болест која ѝ е дијагностицирана.

Таа е висока само еден метар. Болеста одамна го запрела нејзиниот раст, а тоа предизвикало искривување на коските.

Аболи е постојано изложена на ризик дека може да ѝ откажат бубрезите.

Аболи е родена без мочен меур и затоа мора постојано да носи пелени. Лекарите морале да ѝ отсечат дупка на половината за да спречат урината да се собира во нејзиното тело.

Поради проблемите со растот и искривувањето на коските, Аболи не може да оди. Сепак, таа вели дека е среќна што изгледа толку младо.

„На 20 години се чувствувам добро, имам среќа и сум навистина посебна. Сите кога ќе пораснат, почнуваат да изгледаат поинаку, но јас изгледам исто, а тоа многу ми се допаѓа.

Фала му на Бога што ме направи кул дете кое никогаш нема да се промени“ – вели Аболи.

Таа пред неколку години пееше во шоуто „Indian Idol“, со што си исполни еден сон од детството.

Денес 20-годишната девојка вели дека е среќна што е жива и покрај нејзината болест.

А. Ј. | Црнобело