Тежел 594kg, носел пелени бидејќи не можел да оди – Приказната за најтешкиот човек во светот

Детали

сабота, 17 јуни 2023

Пред да направи операција за стеснување на желудникот, Мексиканецот Хуан тежел дури 594 килограми, а беше прогласен и за најдебелиот човек во светот. Тој бил во толку лоша состојба, што не можел да се движи и носел пелени бидејќи не можел да оди во тоалет. Денес, Хуан тежи помалку од 300 килограми и продолжува да слабее.

Во 2017 година, Мексиканецот Хуан Педро Франко беше прогласен за најдебелиот човек во светот од страна на Гинис. Тогаш Хуан тежеше околу 594 килограми.

Неколку месеци пред да го добие признанието, во ноември 2016-та Хуан се најде во бројни светски медиуми бидејќи беше хоспитализиран.

Тој период се појавија и фотки на кои се гледа како медицинските лица го носат на болнички кревет бидејќи самиот не можел да оди од големата тежина.

Кога пристигнал во болницата, лекарите мислеле дека тежи околу 500 килограми, но кога го измериле, сфатиле дека Хуан е всушснот речиси 600 килограми.

Хуан имал проблеми со дебелина уште од детството, но состојбата почнала да му се влошува на 17-годишна возраст, по сериозна повреда поради која поминал цела година во болница.

„Моето тело како да си следеше свој пат, а јас немав никаква контрола. Пробував да држам диети, но ништо не функционираше и станав очаен“, открива тој за Гинис.

Со текот на времето, Хуан почнал да се изолира и на крај станал како затвореник во својот дом бидејќи не можел ни да се движи.

Не можел да стане ни да оди во тоалет, па морал да носи пелени за возрасни. Кога, пак, морал да се помрдне од креветот, биле потребни осум луѓе за да му помогнат да стане.

Но, штом го собори рекордот на 32-годишна возраст, Хуан решил дека е време да преземе драстични мерки ако сака да преживее.

По хоспитализацијата, Хуан дознал дека има дијабетес тип 2, проблеми со тироидната жлезда и течност во белите дробови.

До мај 2107-та, тој успеал да ослабе 170 килограми, а потоа му била направена операција за стеснување на желудникот.

По операцијата, Хуан продолжил со слабеењето следејќи строга диета и режим за вежбање. Тој цело време имал помош од медицински тим од 30 професионалци.

До крајот на 2018-та, Хуан достигнал тежина од 304 килограми.

Хуан почнал да се движи сам и драстично го намалил ризикот од смрт бидејќи се ослободил од бројни здравствени проблеми поврзани со дебелината.

Во 2020 година, Хуан го загубил татко му од инфаркт, а само неколку месеци подоцна, починала и мајка му од корона вирусот.

Хуан и самиот се заразил, но благодарение на драстичното слабеење, успеал да го победи вирусот.

Хуан продолжува да се храни здраво и да вежба, а се надева и дека ќе продолжи да слабее. Планира да направи и операција за отстранување на вишокот кожа.

Хуан на мерење во 2021-ва, каде што тежи 264 килограми

39-годишниот Мексиканец вели дека и покрај семејната трагедија, нема да се откаже од борбата за поздрав живот.

„Тоа би го сакала мајка ми, па ќе продолжам да се борам“, вели тој за мексиканска телевизија.

Спирова С. | Црнобело