Девојче (13) било заробена под урнатини, умирало 3 дена – Приказната зад една од најпотресните фотографии во светот

Детали

четврток, 22 јуни 2023

Во 1985-та, по вулканска ерупција во Колумбија, настанало свлекување на земјиштето кое наликувало на огромна река од кал. Свлекувањето уништило 13 села и убило 25.000 луѓе. Меѓу нив била и 13-годишната Омајра Санчез, чија фотографија направена неколку часа пред смртта се смета за една од најпотресните на светот. Предупредување: Фотографиите во текстот се вознемирувачки.

Во 1985 година, целиот свет дозна за 13-годишната Омајра Санчез. За жал, причината за овој публицитет беше потресна фотографија направена кратко пред нејзината трагична смрт.

Фотографијата е дело на фотографот Френк Фурниер, а на неа е малото девојче кое со изморен поглед гледа кон камерата. До рамениците, Омајра е под вода. Водата е матна и во неа има секакво ѓубре.

13-годишното девојче било заробено во ова положба цели 60 часа пред да умре.

Како Омајра Санчез се нашла во оваа положба и зошто никој не можел да ја спаси?

Причината за смртта на Омајра е вулканска ерупција која предизвикала свлекување на земјиштето кое резултирало со уништување на 13 села и еден град, како и смртта на околу 25.000 луѓе.

На 13 ноември во 21 часот, еруптирал вулканот Nevado del Ruiz во Колумбија.

Вулканот неколку дена по ерупцијата

Иако самата ерупција не била многу силна, предизвикала вид свлекување на земјиштето кое изгледа како огромна река од кал, карпи и вода, познато како „лахар“ (lahar).

Ваквите свлекувања предизвикани од вулканска ерупција се многу деструктивни - се движат брзо и можат да достигнат длабочина и до 140 метри.

Свлекување на земјиштето предизвикано од ерупција на вулканот Сент Хеленс (изгледа како голема кафеава река)

„Лахарот“ што го предизвикала оваа ерупција е еден од најпознатите и најдеструктивните што му се познати на човештвото.

Прв на мета бил градот Армеро, а по него биле уништени уште 13 села.

Реката од кал рушела сè пред себе, па илјадниците луѓе кои ѝ се нашле на патот или загинале, или останале заробени под нивните срушени домови.

Омајра била една од жртвите кои биле заробени.

Последица од катастрофата

13-годишното девојче било затрупано под остатоци од бетонски градби, но низ пукнатина успеала да ја протне раката за да побара помош.

Еден од многуте спасувачи го забележало девојчето и успеал да ги растргне бетонските остатоци.

Омајра била извлечена до половината, но кога спасувачите пробале да ја извадат цела, сфатиле дека нозете ѝ се приклештени.

Покрај тоа, секогаш кога ја помрднувале, просторот околу неа се полнел со вода. Поради ова, постоела опасност да се удави пред да ја извлечат, па престанале да се обидуваат.

Омајра Санчез

Продолжува на следната страница...