Сите детали за трагичната приказна на инфлуенсерката што почина од неисхранетост, јадејќи само овошје

Што е сирово веганство?

Овој начин на исхрана се состои од храна од растително потекло, која не е зготвена или преработена.

Целта е храната да се јаде во нејзината природна состојба бидејќи луѓето кои ја следат оваа диета веруваат дека готвењето ги уништува ензимите за дигестија и создава токсини во телото.

Важно е да се нагласи дека нема научен доказ за ова.

Сировото веганство дозволува консумирање овошје, зеленчук, изртени зрна, семиња и јаткасти плодови.

Начинот на подготовка на храната вклучува блендирање на храната, сушење, ферментирање…

Поради ова, може да се консумираат и растителни млека, зеленчукови масла, путери од јаткасти плодови и сушено овошје.

Има ли придобивки од овој начин на исхрана?

Нормално, кога јадете многу овошје и зеленчук, ќе почувствувате придобивки по здравјето.

Покрај тоа, овие намирници се нискокалорични, што значи го поттикнуваат слабеењето.

Некои истражувања покажале и дека веганскиот начин на исхрана (кој дозволува и зготвена храна) е поврзан со намален ризик од кардиоваскуларни болести.

Кои се опасностите од сировото веганство:?

Покрај малиот број калории, најголемата опасност од сировото веганство е недоволниот внес на хранливи материи, како витамини и минерали.

Генерално, луѓето кои го следат овој начин на исхрана можат да се соочат со дефицит на калциум, железо, протеини и витамини Б12 и Д.

Поради недостатокот од хранливи материи, може да ослабат мускулите и коските.

Истовремено, може да се зголеми и ризикот од кариес, особено ако се консумира многу овошје со висока киселост.

Во некои случаи, сировото веганство може да ја намали и плодноста. Во едно истражување, 70% од испитаничките кои го следеле овој начин на исхрана забележале промени во менструалниот циклус.

Луѓето кои го следат овој начин на исхрана задолжително треба да го проверуваат нивото на витамини во организмот.

Истовремено, треба да земаат и додатоци во исхраната за да не се соочат со сериозни проблеми.

Треба да консумираат и големи количини храна за да не ослабат премногу.

Спирова С. | Црнобело